Phil林奕匡今期要同我哋一起上“山”睇靓景！林奕匡《高山低谷》10周年巡演在继续，佢用各种情歌、冧歌，唱自己入行多年走过嘅高山低谷。人在高处不骄傲，跌落低潮唔气馁，所见嘅风景都成为咗佢创作嘅灵感。在粤语中，以下呢啲关于山嘅词，你又识唔识呢？

　　郭玮/文  秦丽莹/图  林奕匡、郭玮/模特

　　山大斩埋有柴 saan1 daai6 zaam2 maai4 jau5 caai4

　　呢个词中嘅“埋”，有聚拢、合在一起的意思。山上每一个地方嘅柴木都唔多，但由于成座山好大，只要努力行多啲地方，将各处嘅柴木收集起来，总数就会变得好可观。比喻积少成多、集腋成裘的意思。

　　造句：阿匡每年都出几首歌，加上出道多年，山大斩埋有柴，已经积累咗好多优秀作品。

　　山高水低 saan1 gou1 seoi2 dai1

　　从字面意思理解，这个词係描述自然景观嘅复杂险峻，峰峦叠嶂之地，河流从高处泻下会特别湍急。后来这个词延伸用来比喻人生历程嘅起起伏伏，暗喻成功与挫折的交替，表达对坚韧品格嘅推崇，通过自然现象，传递逆境前行嘅哲理。

　　造句：人生难免山高水低，只要大家不忘初心，努力向前，一定会遇见美景。

　　山水有相逢 Saan 1seoi2 jau5 soeng1 fung4

　　喺大自然中，山与水嘅走势总会在某处交汇，借此比喻人与人之间的缘分，时机到了，总有再见面的时候。这句话后面通常会接“来日方可期”，这句话用来安慰分别的人，表达出人生豁达，对未来有期待嘅积极意思；在与他人发生矛盾时，暗示日后还有见面的机会，应留有余地，不要把事情做绝。

　　造句：今次有事见唔到你，但我哋山水有相逢，迟早会再见。

　　山窿山罅 saan1 lung1 saan1 laa3

　　呢个词中嘅“窿”係小孔、洞穴之意，而“罅”就係缝隙、裂缝嘅意思，原意係指烧制陶器时产生嘅裂缝。山洞、山裂缝就指大山中地形复杂、偏远嘅地方，形容交通不便利的偏远之地。同我哋平时讲嘅“山旮旯”係一个意思。

　　造句：搞活动一定要有人气，最忌拣啲山窿山罅嘅地方！下次要选个地铁上盖嘅商场，就实食冇黐牙。

　　山高皇帝远 saan1 gou1 wong4 dai3 iyun5

　　呢个词原指古时候喺偏远嘅地方，朝廷管辖不到，群众遇事会自作主张、不受约束。该词又可写成“天高皇帝远”，最早出自明朝黄溥的《闲中今古录》。现代就可以用来形容在某些区域，上级的权力或影响力难以到达，一些规章制度难以得到严格执行，管理比较松散。

　　造句：妈咪成日叫我哋唔好食咁多炸鸡，今次出来旅行，山高皇帝远，食咗先算啦。