近日，演员辛芷蕾凭借影片《日掛中天》，在第82届威尼斯国际电影节中斩获“最佳女演员”奖。值得一提嘅係，这部聚焦南方故事的影片，亦让电影的取景地——广州的城市地标走进了大众视野，其中就有陪伴老广长大嘅“买衫圣地”！广州人穿着素来朴实唔浮夸，自带“广式随性”，今次，我们就跟着电影的镜头，打卡这几处承载着几代广州人穿搭回忆的地方。

　　　　《日掛中天》剧照

　　学生哥扮靓“后花园”

　　《日掛中天》要拍普通人的南方生活，自然少不了充满学生气的热闹街景，状元坊牌坊旁的小店便成了绝佳取景地。睇住《可乐生活》大嘅后生仔女，喺读书嘅时候，一定都去过状元坊买衫扮靓。十蚊三对嘅缤纷船袜，29蚊一件的纯棉短袖T恤，仲有百元就能入手的时款波鞋……状元坊的价格亲民，可以让学生哥拿着零用钱，凑出一套当时最hit嘅潮搭。21世纪初，呢度係广州最热闹嘅实惠商圈，除咗服装，仲会有各种得意嘅文具、小饰品，好多年轻人慕名而来，每到周末逼到鞋都甩，所以又有“撞人坊”嘅花名。状元坊街外嘅食肆亦开到成行成市，三酱猪肠粉、炸雪糕、芝麻糊汤圆等小食，逛到饿可以填饱肚继续行！随着网购兴起，状元坊冇咗当年嘅热闹，店铺改为仓储式空间，喺都市中有咗新嘅使命。而那些“用小钱买靓衫”嘅回忆，仍藏在不少老广的学生时代里。

　　　　图源：羊城晚报

　　打工人装身“大超市”

　　《日掛中天》导演似乎偏爱广州的市井繁华，离状元坊不远的十三行服装批发市场，兼具商业活力与市井生活气息，成了影片核心拍摄地之一。“十三行”的历史唔简单，佢曾是中国早期中外经济文化交流的枢纽，如今成为华南地区数一数二的服装批发中心，成了打工人的“工装采购基地”。嚟呢度买衫，最大的优势就係选择多、性价比高：韩版通勤装、欧美风套装、中式复古款……从基础平价款到高端精品，各种风格、档次的服装应有尽有。每逢转季或年尾清货，就係零售“捡漏”的好时候，打工人都中意嚟呢度拣“工装”，分分钟批发价get到商场款。依家，越来越多游客发现咗“十三行”呢块买衫宝地，嚟广州旅行一定会将“十三行买衫”列入行程，体验广式采购嘅舒爽。

　　潮人高定“服务站”

　　想拍男女主角重逢的细腻氛围，《日掛中天》剧组选咗东山口做拍摄地。那些“番鬼味”十足嘅小洋楼，自带故事感，啱好可以烘托出感情纠葛的氛围感。东山口嘅每栋洋楼都有自己嘅故事，除咗部分仲有人居住，大多都被改造成咖啡店、工作室以及潮牌买手店。同一般嘅fashion有啲唔同，东山口俾人一种个性、小众嘅时尚感，喺呢个区域嘅“潮”係不受限制的，夏天穿皮褛、冬季衬凉鞋、古着旧衫当新衣……只要你有谂法、敢尝试，就可以喺东山口做潮人。嚟到东山口，你可以搵到各种个性定制款，又会遇见最新嘅爆款流行装。就连唔少明星艺人们到广州打卡，都要到这片“潮到风湿”的区域“打个白鸽转”，感受广式潮人的穿搭态度。

　　《日掛中天》剧照