|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
现代都市后生仔女，任务重压力大，唔少人都有发量焦虑，忙里偷闲时“抽空”养个发就好必要！有款“爆发丸”，係霸王洗发水同五谷磨房联名打造嘅小零食，由黑芝麻制成，甘香美味又养发，日化同食物品牌结合一啲都唔违和，谐音“暴发”，意头仲几好！独立包装，卫生又方便携带，随身袋住几粒得闲嚼下，既可满足“为食猫”嘅嘴瘾，又健康头发，何乐而不为？如果觉得芝麻丸都普通咗啲，想挑战更“上头”的快感，可以试试霸王同锐澳联名嘅“鸡尾洗头水”套餐，经典霸王配色瓶身设计嘅生姜味特饮，内服、外洗打孖上，配埋一把造型搞怪嘅“发际线尺”，又真係贴心到位。 郭玮/文 品牌官网/图 出风头 唔秃头 依家好多品牌都兴玩联名,零食就係“联名游戏”中嘅佼佼者：同性质产品埋堆，联手打造限定口味；互补单品联合，配成cp就够晒噱头；有啲品牌仲挑战跨界做friend，以你都估佢唔到嘅组合出街，搞怪得嚟又诚意满满，实现品牌精神同口味双赢。今次就同大家一起睇睇，呢啲妙趣破格嘅结合啦！ 鸡尾酒 国潮味 要讲最易出圈的IN组合，渗透国潮元素嘅联名产品一定拥有姓名！锐澳就利用自身酒品优势，同“国民香水品牌”六神做过联名，推出花露水味嘅鸡尾酒。呢个组合听落好似有啲离谱，但从大家都係“酒精制品”嘅角度谂下，似乎又唔冲突嘅。产品造型同六神花露水本水有九成九似，不过上面嘅logo印住Rio，大家唔好认错啦。据闻，鸡尾酒饮落都係一阵经典花露水味，充满儿时回忆嘅气味嘎！如果顶唔顺花露水嘅味道，你可以试试另一款联名鸡尾酒：锐澳同英雄墨水嘅联名，佢有一副“墨水樽”外壳，墨蓝色嘅酒体还原度好高，整体造影复古风十足，唔知饮完係米可以满腹墨水嘅潮人？其实唔係真墨水，而是蓝莓黑加仑口味鸡尾酒。 药未到 “病”先除 药品同美食联名的“治愈系”周边，一个治病，一个暖心，看似跨界实际又几搭啵！开小灶携手三九胃泰，推出过一款当归猪肚鸡自热米饭。除咗外包装跟足三九胃泰嘅配色设计之外，连盒内嘅配料都按埋药粉冲剂嘅包装分装，食用嘅时候就好似冲药咁有仪式感，食完个暖笠笠“药泡”自热米饭，内心郁结都治愈晒。另外，拉面亦同999感冒灵为大家准备咗暖心“药膳”，虫草鸡汤拉面係真“鸡汤”，暖胃又“暖慰”，吃完成个人舒服晒。除咗疗愈人心嘅“药”味主食，茶饮都可以同药品联名呢！tplus茶家同止痛药“芬必得”联名，推出疼痛不用熬、“把梦熬成甜”嘅“不白熬甜甜茶”，为嗰啲忙于熬夜加班，为生活劳碌嘅追梦者加油，比奶茶口味更吸引人嘅，肯定就係佢承载住嘅满满暖意与激励啦！
