|
|
囍饼 |
|
|
|
|
|
|
|
|
绿水鬼 绿水鬼 |
|
|
桂花杏仁豆腐 |
|
|
黑芝麻糊雪糕 |
|
|
补气养血五红汤 |
|
|
大满福（配娟姗奶） |
|
|
去湿鸠屎橙啡 |
|
|
|
|
|
|
|
|
|
|
|
|
|
|
冻阴功苏打 |
|
|
|
|
|
青瓜酿豆腐蛋糕 |
|
|
|
|
|
夏果巧克力曲奇 |
三月3点3，最需要下午茶安慰嘅时候，点可以随随便便食饱就算？除咗食物滋味要出众，颜值亦不可输蚀，视觉上的享受同样要安排上。Color帮大家搵好两家，生鬼又正斗嘅High tea好去处，保证味蕾、视觉都有惊喜！ 秦丽莹、陈祉伶/文、图 养生女神sweet趴 出圈盏鬼绿 手表绿水鬼就听得多？食得嘅绿水鬼你又试过未？有囍糖水铺嘅招牌单品绿水鬼，其实係醇香绵滑嘅开心果糊，望落去会令你有啲怀疑，但味道确有惊喜。趁热食口感最正，甜度适中，碧根果碎增添几分脆脆的口感，如果係中意食开心果嘅朋友，千祈咪错过。另一款绿油油嘅人气单品——囍饼也值得一试，类似日式蕨饼，软糯Q弹，清新爽口，单食只有啖淡的抹茶味，如果中意甜口啲，则可搭配黄豆粉，或柚子汁食用。为避免影响口感，呢两款产品目前都仅限堂食哦。 料足诚意满 除咗出圈单品绿水鬼，主理人话其实自家主打嘅係养生糖水。沙参玉竹银耳无花果、桂花竹笙桃胶银耳……仲有补气养血五红汤、红糖姜枣奶等为公主们特设嘅“姨妈糖水”，而且多数糖水都只做热食，碗碗都足料美颜，滋润养生。当然想食啲冻冰冰嘅，也可以试下佢哋嘅秘制黑芝麻雪糕、姜撞奶雪糕。所有含牛乳嘅甜品，都采用每日新鲜运到嘅娟姗奶，所以数量有限，想试就记得趁早啦。 有囍糖水铺 地址：广州市天河区华夏路30号富力盈通大厦205号 营业时间：周一至周日 11:30-21:30 “啡”香不怕巷子深 盏鬼粤味浓 呢间咁盏鬼嘅咖啡店，深藏喺陈家祠后门嘅巷子里，复古、别致嘅装修风格十分抓人眼球。店铺唔算大，但四处可见惊喜！比如角落有胶片机同黑胶唱片展示区，而墙面、窗口贴有粤语金句、广州旧地图等。除咗菜牌隐藏咗好多粤语梗，店名也别有深意，原名Go Ghost直译“走鬼”，后来被音译为“鸠鸠史”，更加生鬼兼威水。主理人wilee话自己身为广州人，都想通过幽默的方式，将粤语的文化元素，融喺生活同咖啡店里面。室内的装修都是佢亲力亲为，连台凳都喺佢用各种旧门窗、花阶砖自己DIY噶。 出品劲鸠史 去湿橙啡？肥仔牛角包？仲有傻仔水2.0？斋啲菜名已经劲有梗，出品亦真係够晒鸠史（粤语中有犀利、威水之意）！人气单品青瓜酿豆腐蛋糕，好睇又好食，豆腐蛋糕外表白软娇小，内馅有满满清爽青瓜粒，配上榛子果仁碎，口感层次劲丰富。去湿鸠屎橙啡，居然有啲似老广挚爱嘅猪脚姜味道，包保饮过返寻味！仲有泡沫丰富嘅提子加盐加咖啡、夹住大大块牛油嘅酥脆牛角包、烟烟韧韧嘅果仁曲奇……无论饮品定甜品，都拥有极具辨识度的独特风味！呢啲搭配虽然脑洞大开，个性十足，但主理人wilee就话，都要自己试好多次觉得ok先上架，要对得住啲食客。 GOGHOST TRADING HOUSE（鸠鸠史咖啡豆商店） 地址：广州市荔湾区龙源新一巷21号-201（陈家祠后门） 营业时间：周一至周五 13:00-22:30；周六至周日 12:30-23:00
