|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
喺前段时间热播的剧集《盛装》中，除咗可以见到两大时尚女魔头，从明争暗斗到联手救品牌嘅“女王式”飙戏，仲可以见到职场小白“李娜”如何步步高升，由揗鸡实习生华丽变身成职场“杜拉拉”！今期Color细扒角色衣着，带你睇下从初出茅庐嘅懵懂无知，到后来变时尚小达人嘅“李娜”点样一步步“升呢”自己。 郭玮/文 《盛装》剧照/图 白衬衫气派 喺职场装中，衬衫係经典中的经典，黑白配更係永远唔会出错嘅选择。初入职场嘅“李娜”虽然冇任何经验，但依然好聪明咁拣咗白衬衫配黑裙。解开最顶部嘅两粒纽，小露锁骨可以更有女人味，将长衫袖折成中袖，可谓真正嘅“撸起袖子加油干”嘅穿法。而将衬衫束入条裙里，可以拉长下半身线条，最啱身材偏细粒嘅妹妹。后期“李娜”被点醒，时尚度大增，简单白衬衫玩转新潮时髦感，前摆有咗特别设计，精心烫过后飘逸又骨致，深色西裤配同色贝雷帽，上下呼应、唔会累赘，衬衫下摆束半边，令整体造型更有潮味，都係佢喺职场逐步升呢嘅表现。白衬衫嘅经典，连女魔头都抗拒唔到！小翻领设计令到“陈开怡”穿嘅呢款衬衫更显稳重端庄，衬埋佢副墨镜，单穿唔使搭配任何嘢，都已经气场满分。 卫衣层层叠 卫衣係所有后生仔女凸显青春感嘅必备单品。“李娜”啱啱入职时唔多有时尚感，成日为咗方便“打杂”，通常都係穿卫衣，虽然同时尚杂志定位有啲出入，但胜在够嗮青春减龄。佢成日着住连帽款卫衣，跑上跑落帮同事买咖啡，显得活力四射、特别机灵。黑、白、灰经典色嘅卫衣，无论几时都咁百搭。唔带帽嘅圆领款卫衣，可以搭配外套或打底做叠穿造型，加入少少洞洞设计，令整体造型更多层次。喺工作上，“李娜”嘅死党係cool爆嘅“AI人”，翻到屋企会换翻舒适嘅卫衣，一秒变翻“小绵羊”，少女感藏不住。 “老西”靠内搭 职场穿搭，一定要有西装，但时尚人绝对唔要“商务风”嘅禁锢！初入职场嘅“小白”，可以喺西装外套入面搭配圆领印花T恤，令人觉得你处事淡定，又唔会好老气。配色如果调转嚟：亮色老西、深色樽领打底，感觉反而更职场女强人既视感，比较适合管理层嘅穿搭风格。你睇下剧中时尚总监Mary，一翘手一歪头气场全开，短发搭夸张大耳环，弱化中性感。如果想走知性风，不妨试下袁靓靓喺剧中的穿法，浅色系轻薄面料嘅西装，入面搭同色系嘅小背心，视线从颈部延伸到前胸，啱晒show啲颈链首饰出嚟。 长褛保护“饰” 外套包裹全身，俾到人好大嘅安全感。一开始“李娜”穿外套应该就係纯保暖，深色厚身带帽褛，俾到佢十足保护嘅感觉，一笠上身就方便出门，孭埋双肩包学生味更浓。后来佢慢慢开始注重时尚感，换咗几款大翻领设计嘅呢子外套，面料质感升呢，气质都有唔少提升。纯色大衣始终係最值得入手嘅系列，搭衬衫、卫衣、纯色打底都冇问题。长款大褛显得特别有气势，係一件值得入手嘅打造自信嘅保护“饰”。
