|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
踏入2022年，《铁拳英雄》用一身正气嘅拳脚功夫扶善惩恶，吸引大批剧迷，剧中饰演“连棘”嘅陈山聪亦正亦邪，更係令大家印象深刻。自《金宵大厦》华丽出击之后，山聪喺近几年继续塑造咗唔少经典角色，不过佢始终觉得自己只係个“普通演员”。今期Color诚邀大家一起，认识“明星光环”外的陈山聪！ 郭玮/文 受访者提供/图 咩角色都想试 为咗演好“连棘”呢个亦正亦邪嘅形象，陈山聪做咗好多准备，控制饮食、速成学拳、高强度操肌……就算係自己本身有功夫底，佢都依然觉得《铁拳英雄》係目前拍得最辛苦嘅剧集。陈山聪感慨话，好在最终出嚟嘅效果几好，加上有陈展鹏、姚子羚、伍允龙呢班志同道合嘅好同事并肩作战，一切付出都唔会觉得係“牺牲”。山聪话，佢内心有个暗暗坚持嘅原则——无论係演咩角色，佢都会享受每个角色带嚟嘅新鲜感，同时用心去演活角色。当观众都认同佢演技嘅时候，佢就觉得好满足：“我依家呢个阶段，只想拍多啲唔同嘅作品俾观众欣赏，奖项已经唔再重要。” 呼声好高嘅《金宵大厦2》就快有机会同大家见面，山聪话佢同大家一样咁期待。除此之外，未播嘅剧都在蓄势待发，各种类型嘅“陈山聪”已经准备就绪。最近，佢也在为新的拍摄工作做准备，即将开拍的“香港回归25周年”系列电视剧，同老拍档唐诗咏携手，投身“主旋律”嘅故事中。陈山聪话，“明星”都係人哋俾佢嘅光环，佢强调自己只係一个热爱演戏嘅普通演员，做过反派，演过警察，仲试过各种权贵角色，未来想演下“市井”啲、贴近生活嘅角色。 演戏永不言弃 山聪将2021年嘅自己比喻成一个“农夫”，默默咁耕耘、播种，期待2022嘅“收成”，《铁拳英雄》就係一个好靓仔嘅开始。佢同每一个支持佢嘅人保证，只要大家仲想睇佢演戏，佢就会继续用心打造好的作品，再攰、再不如意，佢都同自己讲：“只要心没有放弃，身体就会追随！” 对未来嘅所有挑战，佢都准备好迎接啦。到2024年，陈山聪就入行30年了，对佢嚟讲时间过得好快，曾经以歌手身份出道嘅佢，希望到时有机会做一只属于自己嘅歌，纪念呢段日子嘅成长，我哋一起期待啦！ 希望仔仔有担当 做咗爸爸之后，陈山聪有咗好大改变。以前做咩都谂咗自己先，依家就会优先考虑屋企人，因为佢觉得适当嘅年龄就应该做适当嘅事。作为一家之主，佢会同太太做好家务分工，互相配合，家庭同工作并肩而行、一啲都唔冲突。对仔仔Jaco嘅教育，佢同太太都持一个“开放”嘅态度，只要合乎情理，就放手俾佢去试，“你唔贪玩过，点知有啲咩係值得珍惜？”山聪希望仔仔以后做个有担当嘅好人，就心满意足啦。 以前每次完成一套剧、有个break嘅时候，山聪都会去散心放空，依家佢就将呢份时间同精力放喺仔仔身上。仔仔亦会俾佢甜蜜嘅featback： “做《铁拳英雄》嘅时候，佢会过嚟睇电视，见到我出场都会嗌‘爸爸’噶！”疫情之下，陈山聪多咗时间同家人相处，陪Jaco过生日，送佢返学、陪佢游水，虽然难得有共聚天伦嘅时光，但佢都依然希望疫情快啲消退，大家生活安乐，佢亦可以带埋屋企人一起去旅行！
