|
|
|
|
|
|
|
|
|
|
|
|
|
|
|
|
|
|
|
|
小米MIX Fold |
|
|
OPPO Find N |
|
|
荣耀Magic V6 |
|
|
|
|
|
|
|
|
|
后生仔女越嚟越识玩，直板手机就算智能爆表，外表都变唔出花样了，于是乎，折叠屏手机近排越嚟越受欢迎。将手机对半折，可以压缩体积，摊开嘅可视面又更宽，科技随时间发展，折叠屏技术日渐成熟，玩法亦都变得更有意思。 奇兵/文 产品官网/图 折屏功能唔打折 折叠屏手机可以上下或者左右开合，带来好多新鲜感：学似手提电脑咁，上屏显示、下屏输入又得；模拟睇书，左右翻开又可；三星Galaxy Z Flip两块屏只有6.7英寸大小，单手握持简直就係“化妆镜”，贪靓嘅女仔用嚟补妆就最磢镜啦！除咗造型得戚之外，中意玩自拍嘅朋友，可以翻折手机直接立喺台面，随意拗角度都依然稳阵，连自拍架都悭翻。任何一个品牌嘅折叠机，係对折状态下，镜头嘅功能都唔会打折，OPPO Find N甚至有悬停模式嘅4K延时摄影功能，随时随地多角度大片即影即有。 分屏实现多任务 折叠机有两块屏幕，实现咗传统直板手机，好难实现嘅一屏多任务处理。折叠机嘅自动分屏模式，令你可以一边浏览最新时尚资讯，一边落单买嘢，互不干扰，唔洗睇睇下视频，点个暂停又退出嚟先再开第二个APP。同时，开多任务窗口，工作、娱乐都可以兼顾，悭时悭力就咁简单。有人可能担心，细细部手机一下子hold住咁多程序，会唔会互相影响，小米MIX Fold就采用现时最top嘅高通骁龙888旗舰平台，高端嘅芯片处理能力，让手机喺多任务同时操作状态下依然流畅。 合二为一有惊喜 双屏折叠可以多功能，合二为一就变身“巨无霸”，仿佛手捧一台mine pad，大屏影院随身袋。小米MIX Fold就有8.01英寸大小、清晰度为2K+级别的真全面屏，再配上杜比视界同立体四扬声器，沉浸式体验大片手机就可以实现。惊屏幕大咗耗电量都变大？宜家大部分折叠机都标配5000毫安电池，“快充”功能又已经无障碍，迅速“回血”好容易，真正做到小身材大电量。 不容忽视小助手 折叠机上下、左右屏玩法已经好多，原来，佢哋嘅外屏都可以独当一面。当手机处于折叠状态下，外屏就等于一个通讯小助手，可以读取当前日期、时间、电池使用状况等等信息，仲可以预览新通知、图片……甚至点击打开、直接回复或者接听电话都冇问题，唔洗翻开手机就可以各种操作，方便快捷。为咗迎合年轻人对个性嘅追求，折叠手机仲喺外观上玩出花，自定义颜色外壳可以了解下，仲嫌唔够sharp就加翻个手机壳，手机折埋，潮流一样唔打折。
