|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
自行车是细路嘅玩具，是打工人通勤的代步工具……喺交通发达嘅当下，自行车仍然拥有无可替代的地位。而对于一班骑行爱好者而言，自行车骑行既係一项健康运动，亦係一种生活乐趣。今期Color采访嘅係一位骑行发烧友谢剑钧，他对骑行的热爱已持续10年有多，将爱好融入到自己的事业同生活中，结识咗唔少同好之人。 陈祉伶/文 受访者提供/图 出行不设限 “开车太快，行路太慢，单车骑行就啱啱好。”阿钧话，都市节奏快，好多人都觉得骑行节奏啱啱好！踩车可以去到好多唔同嘅地方，而骑行嘅乐趣亦可以好多样：单人骑行自由自在，安静享受，係一个人的精彩；结伴出行，安全有保障之余，沿途靓景可以互相分享；“4+2”出游（即汽车+自行车），可以节省出行时间，将旅程精华留给自行车探索，尽情享受骑行游玩过程……咁多年嘅骑行旅程中，阿钧即使係再次踏足曾经去过嘅地方，都会因为唔同时间、心情、同伴，收获不一样的风景与感受。 埋堆有段古 阿钧介绍，骑行文化喺广州已经发展咗十几年，不过以前网络社交平台未有咁发达，大家就会通过论坛交流、或者朋友互相介绍，从而搵到同好、埋堆。佢话：“以前每逢星期二，好多玩车发烧友都会自发地去二沙岛踩车，形成咗一个不期而遇的玩车族聚会。”久而久之，越来越多玩车嘅人聚埋一起，一传十、十传百，骑行亦从传统嘅“踩单车”，演变出越来越多新玩法：想约踩住自行车去探店，或者係去露营。车友们可以在不同的文化圈子互相接触、交流，慢慢吸纳更多有相同兴趣嘅人一起玩，发掘周边新玩法。 “折仔”好入门 入门骑行，最紧要喺拣翻部适合自己嘅自行车。阿钧介绍，唔同类型的自行车适用于唔同环境，公路车比较适合竞速同运动，山地车则比较适合寻求刺激嘅朋友，而折叠车就十分贴合城市生活，因为佢折埋就係一件行李，方便出入各类场所。有好多玩车族，都係由折叠车开始接触呢个圈子，因为它既能满足日常通勤的需要，也具备骑行游玩的性能。对于新手玩家，拣车的过程，其实也是在慢慢了解呢个圈子。 中意有私窦 喺一次自行车发烧友聚会上，阿钧发现骑行唔止可以係个爱好，仲可以发展为一个配套行业，于是就同几个啱嘴型嘅朋友一齐，创立咗佢哋嘅第一间店。渐渐咁，佢哋希望推广“自行车出行”呢种健康嘅生活方式，2016年，酝酿已久嘅Velo Art正式在289艺术PARK安家落户。与其话Velo Art係一家自行车店，不如说佢係自行车发烧友嘅“私窦”。呢度不但销售Brompton（小布）等著名自行车品牌，仲提供日常精致的维修和维护服务，骑行经验丰富的阿钧，可以给玩家贴心又实用的建议。喺疫情之前，佢哋不时都会举办自行车骑行活动添。
