|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
童年时光，怎可没有游戏相伴？对于80、90一代而言，孩童时代可能冇太多琳琅满目嘅玩具，也冇新奇刺激嘅电子游戏，但也拥有很多有趣嘅小游戏。今期Color带你重温几个爆款童年GAME，唤醒你尘封的快乐回忆！ 陈祉伶/文、图 郭玮、黄芷晴/模特 瀡滑梯 sê4 wad6 tei1 喺好多人嘅儿时记忆里，最钟意去嘅儿童公园，未必要有先进嘅游乐设施，有一条足够好玩嘅滑梯就满足嗮！玩滑梯通常会用到“瀡”呢个字，形容快速下滑或滑动状态。关于瀡滑梯，仲有首朗朗上口嘅广府童谣：“细蚊仔，瀡滑梯，因住跌落嚟；咪学陈德贵，成日流鼻涕，跌亲箩柚唔好睇。”唔知你仲有冇印象咧？ 冚棉胎 kem2 min4 toi1 冚棉胎係广东地区好受欢迎嘅一种扑克牌游戏，冚读kem2时多指覆盖、笼罩。呢个游戏要求玩家轮流出牌，并依次嗌出1、2、3……，当牌上嘅数字和嗌出嘅数字相同时, 玩家就需要用手盖在牌上, 反应最慢嘅玩家须取走桌面上所有牌作为惩罚，而最先打完手牌嘅则成为胜利者。由于大家手掌冚落去嗰下往往要快、准、狠，因此“冚棉胎”嘅精髓，不但係要考验玩家够唔够眼明手快，仲要斗下边个嘅手掌够厚、挨得住痛噶。 伏匿匿 bug6 néi1 néi1 如果要选出最受欢迎嘅多人游戏，捉迷藏嘅票数一定唔会低。捉迷藏喺各地嘅叫法或形式会有所唔同，喺广东地区，“伏匿匿”或者“捉伊人”係最常用嘅叫法。游戏一般要求捉人者要伏埋墙数数，而躲藏者要快速搵地方匿埋。等到数数时间结束，捉人者便可以四围寻人，直到搵出所有小伙伴。“摸盲盲”、“耍盲鸡”等都係好受欢迎嘅升级版捉迷藏，一般指在原有规则上要求捉人者蒙住双眼寻人。 扯大缆 cé2 dai6 lam6 乜游戏最啱用嚟斗大力？拔河比赛一定拥有姓名！不过喺广东地区，呢个游戏更多地被叫作“扯大缆”，“缆”喺粤语中一般指拴船用嘅粗大绳索。一条麻绳，双方拉扯比试力量，故名“扯大缆”，生动又易懂。粤语中，唔少俚语都会用到呢个“缆”字，例如“斩缆”比较决绝，常被用嚟表示两人脱离关系，一刀两断，亦有及时止损的意思；“扯头缆”则多形容某人起牵头作用。如果“大缆都扯唔埋”，表示两人或者两件事冇可能有关系了。 跳飞机 tiu3 féi1 géi1 “飞机”唔单止可以放，其实仲可以用嚟跳噶。广东人口中嘅“跳飞机”，就并非话真係要从架飞机度跳落去，而係一种在地面画定的图形上跳动嘅游戏，因为地上嘅图形通常为双翼式飞机而得名。有啲地方则会画成房子形状，或者单纯只在长方形内画上格仔，所以也有“跳房子”、“跳格仔”等叫法。 猜呈寻 cai1 qing4 cem4 广东朋友仔都知道Eason有只粤语歌叫《猜情寻》，不过我哋平时用嚟决胜负嘅猜拳游戏，其实本字应该係“搋澄鋹”。相传“澄”、“鋹”分别指奸臣龚澄枢、暴君刘鋹，对佢哋恨之入骨嘅百姓，就发明咗一种叫“搋澄鋹”嘅酒令用于解恨，其中“搋”係用手掌压或揉，好似“搋面”就係用呢个字。不过如今收录在字典中嘅，一般为书写得简单一点的“猜呈寻”。
