|
|
|
|
|
|
|
|
玩意局 香蕉控猩猩 |
|
|
|
|
|
|
|
|
SK JAPAN 遥控马桶、遥控便便 |
|
|
利泓奇 弓箭/加特林泡泡机 |
|
|
SHASHATOY 海洋生物利泓奇 |
|
|
|
|
|
|
|
|
|
|
|
|
|
|
|
|
|
|
|
|
淘嘟嘟 相机/手枪泡泡机 |
|
|
MEGA HOUSE动物立体模型 |
边个话大人唔可以玩玩具？童心，唔分年龄。“大细路”对玩具嘅痴迷程度，分分钟狂热过真正嘅细路仔。因此也诞生咗著名热梗：呢个玩意对小朋友可能太幼稚，但对成年人嚟讲就啱啱好。“大细路”们不但贪玩，仲好识玩，千篇一律嘅玩具边够过瘾，万物皆要新奇趣怪！ 黄芷晴/文 品牌官网/图 整蛊又作怪 小朋友先玩遥控车，“大细路”都係玩遥控马桶噶！遥控马桶——“借尿遁”官方指定“载具”。咪以为佢净係可以整蛊人啵，喺“大细路”眼中，遥控马桶唔只係玩具，佢仲可以係社交通讯工具。无论係读书，定係出来工作，最喜欢嘅一part就係同朋友仔去厕所。唔适合出声嘅场合里，将呢个迷你马桶遥控到好友面前，一句话都唔使讲，朋友见到就心照。万大事，去咗厕所先！讲起近来最火爆嘅搞怪玩具，“香蕉控猩猩”实係坐稳冠军宝座。呢只大眼碌碌嘅猩猩睇起身人畜无害，却係整蛊人嘅“一把手”。唔信？试下叫你朋友拿走猩猩只香蕉，挚爱香蕉嘅猩猩即刻就会发嗮狂，大声夹恶声讨“偷蕉贼”，令朋友“社死”嘅场面秒达成。想要猩猩安静翻，你只需从容地将香蕉归还，呢个时候，你就可以成为朋友嘅”救世英雄“啦！ 快乐double上 吹泡泡，係每个细路都曾经为之疯狂过嘅游戏。从用洗衣粉兑水自制泡泡液，到包装精美嘅七彩泡泡液，再到如今造型百变嘅泡泡机，总能令人在不同时间都能爱上吹泡泡。迷恋颜值之余，新一代泡泡机也发掘出多种“1+1”的可能性。比如话泡泡弓箭水枪，一次性满足吹泡泡、打水仗、射箭三个“幼稚”愿望。但係丁碎咁多泡泡，点够我们“大细路“玩啊？咁就要试下泡泡加特林水枪，出泡加倍，浪漫加倍！泡泡够大、够型，一秒营造超级出片嘅写真拍摄氛围感。无论你真心中意玩吹泡泡，定係想要梦幻又壮观嘅泡泡背景，如此浪漫嘅“泡泡雨”，都一定唔会有人能够拒绝。 仿真搏眼球 可爱嘅公仔千篇一律，有趣诡异的公仔却要百里挑一。“大细路”们可能会更中意造型逼真嘅公仔，再加少少猎奇小众，就更合嗮合车啦。腔棘鱼、金枪鱼、六鳃鲨、蝠鲼等等连名都难读全嘅海洋生物，做成柔软嘅公仔，逼真、诡异得来，又莫名有种治愈feel。海洋生物自带嘅神秘感buff，显得你有型有款，气质马上UP！模型方面，萝卜青菜各有所爱，有人钟意可爱美少女，有人心水精细拼接机器人。但你有冇谂过，“烧猪”、“烧鸡”有一日都可以成为模型？呢款蕴含科普知识嘅动物模型，将猪、牛、鸡等常见嘅食用家禽、家畜立体解剖，将西冷、鸡肶肉、猪面肉……一块块我们熟悉嘅“肉”标上标签，再嵌入对应位置。原来咁多可口美味嘅肉肉，分别来自呢啲部位，涨知识之余仲好开胃，单係砌起呢个模型，口水都已经流成地啦，今晚宵夜有嗮灵感。 记者手记： 好多人希望通过玩具搵翻童真，但其实，重要嘅唔係玩具本身，而嘅你愿意玩乐生活嘅态度。面对学业、工作嘅压力，依然保持孩童时候乐观积极嘅状态，常怀童心，先係最珍贵噶。
