|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
每个人喺长大嘅过程中，都会遇到烦心事：面对“分岔路”要点样拣？中意咗人要唔要放胆追？不被理解就伪装自己？失去被爱是否还值得等待……与其郁结难舒，不如听翻首靓歌放空自己，今期Color为大家推介5首各有特色嘅音乐作品，可能其中嘅音符可以帮你赶走烦恼。 郭玮/文 香港环球唱片公司提供/图 刚好是最好 人大个咗，就会对浪漫爱情有向往，但情路遇挫折也是常事。李幸倪（Gin Lee）用清爽抒情嘅《刚好》，为嗰啲经历过分手伤痛、因错过而遗憾、因后悔而悲伤嘅人打气。Gin Lee话自己细个嘅时候，就深信未来嘅自己会遇到童话般嘅Ｍr. Right，渐渐长大经历多咗，先意识到其实“爱”係需要timing，先装备好自己，等待安排，在“刚好”嘅时候，会梦想成真。呢首歌话俾大家知，相信一切都係最好嘅安排，everything happens for a reason。 放肆做自己 天生“厌世脸”，不被世界理解点算？勇敢be yourself啦！周子涵勇敢做自己，帮冷艳表情打造专属嘅bgm《#RBF》，唱出RBF女生心里面嘅OS：冇表情唔係心情差；眯眼笑係因为真开心……成长路上，不被理解係常事，既然天生我才必有用，何不放肆拥抱自己与生俱来嘅模样咧。Kerryta用自在放松又略带少少懒散嘅声线，将自己嘅态度表达出嚟，就如歌词唱到“完完全全无非只想我块面极放肆”，做人最紧要开心，做人更紧要嘅係真心，因为每个人都有权利个性。 爱要放胆追 P1X3L三子通过《全民造星2》被大家认识，初出茅庐嘅佢哋希望用音乐嚟介绍自己。从《This Is How We Roll(Feat. Jace Chan)》中，可以深深感受到年轻人朝气活力嘅冲劲，轻快嘅旋律洋溢满满元气。年轻人有资本勇往直前，无论为爱、为梦想都应该义不容辞。呢个作品仲特别加入陈凯咏（Jace）嘅声音，令到音乐嘅整体层次提升。Jace本人都话同三个小师弟嘅合作玩味十足，有party feel。最近都冇机会去阳光沙滩浪？暂时放下手中嘅繁忙，放耳仔一个假期啦。 拗撬中被治愈 石山街嘅电子音乐，用迷幻空灵打破大家觉得电音刺耳聒噪嘅既定思维，疗愈向嘅音乐旋律令听众沉浸于节奏中嘅时候感到舒适。今次推出嘅新歌《先知》，係佢哋用嚟审视自己嘅作品，歌词提及嘅人生种种仿佛已经成为“先知”嘅定局，但最终结果是否“依书直说”，好似又需要自己慢慢摸索先能够参透个中真谛……作为一首思考人生嘅作品，好多人认为佢哋会怀住沉重嘅心情嚟创作，其实一仔一囡嘅组合容易有各种拗撬，不过嬉笑碰撞先有新火花。细听佢声声入耳嘅电子声，循环几次之后好容易就被治愈。 少男的恋爱心事 涂毓麟与冼靖峰识于微时、又背景相似，一拍即合嘅佢哋之间默契十足，合作起身能互相突出对方嘅优势。新歌《是日运气》将“勉强冇幸福”诠释为成长的感悟，只有学会放手先能够重新开始，而经历嘅伤痛苦难会给予你坚强外壳……用感情外衣包装过嘅少男心事，更容易引起其他人嘅共鸣。Oscar同Archie嘅音色都有自己嘅辨识度，一沉一亮嘅搭配使呢只歌嘅节奏变得更为婉转，十足恋爱路上嘅不确定因素，让人不由地在回味嘅时候深思。
