|
|
|
|
|
|
|
|
|
|
|
倍思多色系列 |
|
|
|
|
|
|
|
|
|
|
|
AirPods pro |
|
|
|
|
|
华为FreeBuds4i |
|
|
华为墨镜耳机 |
|
|
|
|
|
|
|
|
|
|
|
|
夏天嚟啦，肉肉无处躲避，你仲唔运动？好多人唔愿意运动，係因为觉得一个人做gym会有啲无聊，如果有音乐陪你，成个世界就唔同嗮啦！今期Color就同大家物色咗几款唔同等级、功能嘅蓝牙耳机，等你运动嘅时候，都能轻松拥抱音乐！ 郭玮/文 品牌官网/图 务实派 性价比要高 如果你係学生哥，或者预算喺百元之内嘅“务实派”，拣耳机时可以从基本嘅佩戴舒适程度，同连接速度等基本功能，考虑蓝牙耳机嘅性能。呢个等级嘅蓝牙耳机基本上走物理降噪路线，一般为置入式耳塞，硅胶材质柔软有弹性，会喺置入耳仔后起到物理隔音效果，好多品牌可以根据买家耳仔嘅大细挑选耳塞，令佩戴者佩戴时更舒适。 例如Redmi AirDots2价格实惠之余，仲配置有5.0嘅蓝牙技术，连接都几快，喺同等价位嘅耳机中稳定性比较好，有黑白两只经典色可以选，无论商务或者悠闲都啱用。如果想颜色多变嘅朋友，可以考虑倍思嘅蓝牙耳机，造型大细同前者相似，胜在颜色够缤纷，马卡龙配色有满满少女心，好适合走sweet路线嘅妹妹，用嚟同衣着搭配用。 沉浸系 首选音质正 以追求音质为首选项目嘅朋友，就要入手有降噪功能嘅耳机啦。呢类耳机嘅主动降噪技术，可以有效屏蔽外界杂音，同时高清还原耳筒内播放的音源，令到你瞬间置身宁静嘅“世外桃源”，耳朵里面只有你和声音。华为FreeBuds4i作为一款入门级嘅降噪耳机，豆芽型嘅机身可以好好咁钩住你嘅耳仔，跑跳都唔容易脱落，而且佢仲有IPX4级防水功能，应对运动流汗或生活溅水完全OK。Apple嘅AirPods pro就可以算係降噪耳机嘅“祖师爷”级别产品了，戴上之后成个世界都宁静晒，完美沉浸式投入私属嘅音乐空间。但要提醒大家嘅係，降噪耳机会主动屏蔽耳机外嘅声音，如果係开车或者行紧马路嘅朋友就不宜使用，因为你可能听唔到后方来车嘅提醒，引发意外就唔好啦。 潮玩咖 尝鲜新体验 音乐都可以“加滤镜”？係嘎，如今新款耳机除咗讲求高保真还原音源之外，仲新增美化调音功能。OPPO EncoX2就係OPPO同北欧老牌音频大厂丹拿联手打造嘅“口袋hifi音响”，佢哋特意揾嚟世界级音乐家久石让调音，令到耳机传出嘅声音好似电影配乐一样自然通透。如果用呢款耳机听白噪音类声音真系唔错，可以听到你瞬间心旷神怡。如果想游水、冲凉嘅时候听音乐，韶音嘅骨传导耳机就啱晒你，佢通过骨传导技术，将声音通过头骨引起你嘅共鸣而“听”声，唔需要置入耳仔。华为仲利用呢个骨传导技术，将眼镜同耳机结合，佩戴眼镜嘅同时，就拥有耳机，一举两得，间接减轻咗耳仔嘅负担添。不过，骨传导耳机就唔太适合喺嘈杂环境里面用，否则就需要将音量调高，用耐咗对耳力有影响。
