|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
为咗令广大潮仔潮女们，更进一步了解同学习非遗文化，《UP在湾区·港见粤闻》project启动！湾区明星同KOL将带领大家走进湾区城市，寻找岭南特色非遗文化，身体力行做文化传承人。第一集，就由麦长青（麦包）带大家去学整“嫁女饼”！ 郭玮/文 冼颖樱、羊城晚报香港记者站/图 热辣辣“饼”知识 “嫁女饼”又叫“绫酥”，係广东地区婚宴上常见嘅糕点。相传旧阵时，有钱人家嫁娶喜事嘅时候，都会用丰厚礼饼嚟彰显自己的体面气派，绫罗绸缎係贵族身份嘅重要象征，其中“绫”最为名贵，所以礼饼中，“绫酥”就成为首选，寓意富贵荣华。传统绫酥分黄、白、红、橙四种颜色：黄绫多用五仁做馅，因造价较高，为尊贵身份之象征；红绫代表火红热闹，喜宴必备；白绫皎洁无暇，暗喻女方贞洁清白；橙色绫酥则是金银满屋生活嘅祝福。无论边种颜色、馅料，绫酥都蕴含许多美好寓意，係广府人对美满生活嘅祈愿。 麦包拜师90后 岭南品粤菜系列第一期《嫁女饼》，麦包走进广州老西关传统饼铺，跟90后“礼饼传承人”蔡心老师学习整“嫁女饼”。绫酥嘅制作好有讲究。开皮，要刚柔并济，讲求力与心嘅结合；开酥，则係饼身是否松化嘅关键，所以一定要耐心细致；到咗包馅嘅时候，手势要快而不乱，皮薄而不破係基本，皮面均匀细腻就係经验之道啦。虽然麦包係首次实操，不过几次尝试之后就完美上手，包出咗连老师都觉得合格嘅成品。有心嘅麦包仲亲手为每一个绫酥印上双喜红印，将自己嘅美好祝愿注入点心。从入炉烤制到趁热出炉，佢都亲力亲为，冒住热气嘅每块饼，都满含麦包嘅甜蜜叮嘱：天下有情人都要开心快乐，甜蜜一生！ 非凡哥“从良”好冧女 麦包喺经典剧集《巾帼枭雄之义海豪情》中，扮演嘅“梁非凡”虾虾霸霸坏事做尽，奸角形象深入民心。但其实麦包本人在镜头前学习认真之余，场下也係亲切近人。见到“非凡哥”从良后，大家发现佢更加有charm更迷人！整饼期间遇到路过嘅老街坊，麦包仲同大家亲切倾闲计。鬼鬼马马嘅佢，遇到一班“睇住佢大”嘅靓姐姐靓姨姨，仲忍唔知“撩”人住：“帮衬咗呢度几耐？”“18岁帮衬到依家？”，句句冧到在场嘅靓姐们好开心。 Color提示： 《UP在湾区·港见粤闻》会继续带大家学非遗知识，玩转非遗手艺噶，如果想知下期係边个带大家搞搞新意思，记得密密关注我哋啦。
