|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
喺晓港地铁站附近，藏住一个比都市节拍慢半拍嘅小天地——晓西社区。各怀理想嘅年轻人，喺呢度搵属于自己嘅角落，打造出一个没有围栏嘅“创意园”。斋係可以饮到咖啡的店，就有近十家，店家都笑称：呢度大概係条咖啡街。每一家店嘅咖啡都有自己嘅“性格”，让人随时解锁与众不同的惊喜。 黄芷晴/文 陈祉伶、店家提供/图 猎奇：混搭有惊喜 “不正确”咖啡，係一间喺社交平台有超高人气嘅“网红店”。人气高係有理由嘅，“不正确”咖啡相对于其他精品咖啡而言，价格更加亲民，产品多为“咖啡新手”容易接受嘅奶咖。有饮过嘅朋友评价道：“奶味浓郁，中和番咖啡嘅苦涩，但唔会完全遮盖咖啡香，好饮！”而佢哋独创嘅“广式咖啡”系列，也係让很多客人慕名而来的明星产品。咖啡红豆冰、姜撞拿铁、冰爽咖啡凉粉……咖啡mix广式糖水，带嚟咗跨次元嘅碰撞，更令广东人嘅DNA蠢蠢欲动。店内时不时都会为美术学院同学嘅作品友情提供展示位，艺术氛围浓厚，加上环境悠闲安静，好适合周末约埋三五知己来放松倾计噶。 sigma•不正确珈琲 地址：海珠区晓港中马路4号105 营业时间：10:00-19：30 精致：清一色“手冲” 虽然叫“士多”，但绝唔係“乜都有得卖”嘅普通咖啡店。士多咖啡主打精品咖啡，从烘豆到冲调，都由店家一手包办。半开放嘅吧台，令客人可以享受到咖啡制作嘅全过程。整间铺行完，冇过多繁杂嘅装饰，简约但精致。甚至连装咖啡嘅杯具都做到极简，店主似乎想让品尝者停下脚步、慢落嚟，感受咖啡纯粹的魅力。想尝试新嘢嘅朋友，可以试试佢哋一款叫“桃乐茜”嘅豆，水蜜桃风味十分清新，入口醇滑，更似一款披着果茶外衣的咖啡。不过因无店长唔中意深烘豆，所以士多咖啡主营中浅烘焙嘅豆。客人可以轻易地感受到主理人嘅理念和态度，同店家平等地聚埋一起，分享喜好心得。 士多咖啡•Stop Coffee 地址：海珠区晓港中马路14号107铺 营业时间：9:00-20:30 潮玩：乐队控私窦 你以为“Talk Coffee”，重点在咖啡？其实係重在Talk！未入门，就会被门口嘅告示吸引：“我们没有咖啡师，只是独立工作室”。从事乐队演出运营嘅主理人，原本喺天河有办公室，但因为觉得缺少一个可以同朋友坐埋一起叹啡、倾计嘅空间，于是乎呢间店就诞生啦。因为“志不在卖咖啡”，出品冇太多选择，以老板中意嘅深度烘焙豆为主。糕点供应都冇菜单，睇老板整咩就配咩。店内陈列咗琳琅满目嘅潮玩元素，卡通、摇滚、扭蛋、乐队周边……咖啡唔再係主角，似乎成为纽带，俾咗大家一个契机坐下来谈天说地。中意珠三角本土乐队嘅朋友，一定不能错过呢度，因为随时有机会同乐队成员不期而遇喔！ Talk Coffee 地址：海珠区晓港中马路12号108自编之一 营业时间：10:00-22:00
