|
|
|
|
|
|
|
|
|
|
|
|
|
|
|
|
|
|
|
|
守宫 |
|
|
|
|
|
|
|
|
|
|
|
鬃狮蜥 |
|
|
眼镜蛇雷龙 |
|
|
|
|
|
|
|
|
玉米蛇 |
|
|
角蛙 |
|
|
巨型海蟾蜍 |
讲起宠物，好多人都会首先谂起猫猫狗狗，喵星人、汪星人既有可爱外表，又能亲密互动，落班之后撸一撸，疲惫身心即刻被治愈！不过宠物界中远远唔止猫、狗，最近，个性张扬的后生仔囡，都迷上咗一啲不一样的新宠啵。 黄芷晴/文 黄芷晴、宠有家（乐峰店）提供/图 小身材，大可爱 仓鼠、兔仔、豚鼠等，可能係大家首先会谂到嘅常见小宠，因为花色多样，繁殖速度快，繁育时间长，快速占据咗大半个小宠“江山”。呢类脾气温柔，冇乜攻击性的小型宠物，毛绒绒的小身材可以一手掌握，放在掌心逗弄，近距离萌化你的心。不过“普通款”已经入唔到腌尖养宠人嘅法眼啦。神似梅超风嘅长逆毛豚鼠、“爆炸头”长毛兔、迷迷糊糊垂耳兔……凭借佢哋别具一格嘅外型，迷倒唔少fans。尾巴似通心粉嘅“通心粉鼠”（即北非肥尾沙鼠）、“生人勿进”全身带刺嘅迷你刺猬、“行走表情包”的黑尾土拨鼠……呢啲罕见新“宠”，各凭本事被大家宠爱。随住大家嘅审美变得更加多元，市面上嘅小宠种类亦变得更加丰富，总会有一只“小可爱”能击中你的心。 小“精灵”，高冷范 爬行类动物外表独特又显得凶猛，不喜喐动，俾人一种拒人千里之外嘅冷漠感。正因咁样，大家对佢哋嘅态度都好两极化：唔中意佢哋嘅，睇到就会起鸡皮；中意佢哋嘅，恨不得廿四小时，将其把玩在手中。宠物店员帮我哋介绍，爬宠外表冷酷，性格高冷，係唔可能好似猫猫狗狗咁卖萌，但胜在有独特的美感。例如鬃狮蜥、睫角守宫等等爬宠，神似怪兽哥斯拉，但其实性格十分温柔，佢哋获取宠物主好感嘅方式，係静静趴喺生态缸中，凭强大嘅气场和颇具哥特式嘅美感，俘虏宠物主嘅芳心。 “鱼中狗” 真凶猛 边个话宠物一定要靓？COOL啲，恶啲，新新人类就会中意多啲啲。水族类嘅新宠——雷龙鱼，唔係只靠华丽的外表，而是靠恶！雷龙鱼係鳢科中观赏鱼类嘅统称，呢个科中嘅鱼好多都係食肉性鱼，因此生性强势凶猛，且领地意识强。雷龙鱼被投喂时，可以对食物进行追踪跟随，对鱼缸外嘅一举一动十分敏感，有“鱼中狗”嘅花名，你可以同佢隔着鱼缸互动。就冲着这一点，好多接受唔到“毛毛宠物”嘅朋友都已经被深深“种草”。佢仲有一个奇怪的“萌点”，原来佢同我哋用嚟煲汤嘅生鱼、黑鱼，都係同属鳢科嘅，有一种同鱼唔同命嘅感觉。 温馨小tips：养宠也要上点心！ 宠物可选择嘅品类越来越多，养宠环境越来越完善，係爱宠人士嘅福音。虽然如此，喺决定养宠物之前都要做足功课，了解好宠物嘅习性同禁忌，先可以长久相伴。从正规渠道购买，可以规避到好多不必要嘅风险。爬行类中，唔少品种嘅蜥蜴係国家级保护动物；雷龙鱼多原产于东南亚、非洲、南美洲等热带地区，有啲稀有品种係唔允许被出口嘅。如果养之前唔做功课，被不良商家讹，损失嘅就唔係钱银咁简单了。千祈唔好捕猎、交易、食用野生动物。养宠嘅大前提，係敬畏生命，切勿因逞一时之快而始乱终弃。
