|
|
|
|
|
|
|
|
|
|
|
|
|
|
|
|
|
猫猫咖啡店店长 |
|
|
|
|
|
奇修 |
|
|
|
|
|
绫小路清隆 |
|
|
|
|
|
|
|
|
|
|
|
|
近几年，动漫界刮起咗一股“文艺复兴”嘅风，越来越多经典动漫以唔同方式回归。有的用全新画风，讲述旧故事；有的就以旧人物为基础，开创新嘅故事。来紧嘅7月新番入面，都会有好几部“OG级”动漫重制或者续作会出街，值得期待！ 黄芷晴/文 互联网综合整理/图 猫猫战士换新LOOK 少女漫可以话係重制或开续集嘅“重点关注对象”，毕竟乜时代都唔缺憧憬美好爱情嘅少女心。前有《美少女战士Crystal》，后有《魔卡少女樱 CLEAR CARD篇》，粉丝都唔少嘅《东京猫猫》都将会迎来重制版《东京猫猫 NEW》。新作中，画风更加精致，颜色更加柔和，几位猫猫战士亦变得更加可人。睇过2004年亚视引进咗原版动漫嘅网友直呼：“爷青回！”根据目前披露嘅情报，五位喵喵战士将代表五种动物，继续一起保卫地球。原版中，女主角桃宫莓同反派奇修嘅感情线刻画得太成功，令到呢对“正邪CP”有唔少拥趸，甚至仲盖过“官配CP”桃宫莓同男主青山嘅风头。新作究竟会係“奇修党”嘅胜利，定係“青山党”冧庄？ 打波秒变“伦理剧” 打网球可以征服宇宙！真唔係讲笑，唔满足同地球人打波嘅越前龙马，喺《网球王子》漫画嘅特别版中，已经同外星人打紧“生死网球”了。漫画进展咁快，动画都唔可以太落后吧？时隔十年《新网球王子》新篇章《新网球王子U17 WORLD CUP》终于要播出啦！上回讲到，主角一行人被选中“U17训练营”，为争夺参加世界赛嘅名额竞争，为世界赛做准备，而主角初中生龙马似乎落选咗。但预告中透露，主角龙马、队长国光、仲有佢嘅哥哥龙雅分别会代表唔同国家出战。兄弟手足同台PK，竞技体育番秒变“伦理剧”。仲有更多强势新角色登场“搅局”。粉丝都在期待：“俾边个赢都唔啱，我就想睇下作者点收科……” 扮猪食老虎有新line 距离《欢迎来到实力至上主义的教室》第一季播出，已经过咗5年，当时呢部番係妥妥嘅“霸权番”。制作组沉默咗咁耐，喺年初直接放出“王炸”消息——第二、三季分别定档今年7月及2023年。消息一出，等于同粉丝打咗一剂“强心针”。被称为“路哥”嘅男主角绫小路清隆，样样精通，头脑灵光，体能过人。佢靠实力将入学考试分数操控到每科啱啱好50分，如愿将自己分到全校最差嘅D班。睇起身无欲无求嘅路哥，却暗中掌控D班嘅发展，带领其他同学挑战其他班级甚至学校权威，一啲啲揭开社会嘅黑暗。第一季中，动画制作方强行拆开路哥同佢嘅超高人气官配轻井泽，引起咗好多小说原著迷嘅不满。第一季结束嘅地方，正正係原作里，男主角开始发展感情线嘅节点。制作方会唔会满足原著党嘅愿望，将剧情修正咧？
