|
|
|
|
|
|
|
|
|
|
|
|
|
|
罩式麦口 |
|
|
|
|
|
|
|
|
|
最近音乐综艺《声生不息》唱到如火如荼，无论係经典翻唱，定係旧曲新创都备受追捧，全民再掀K歌热。除咗可以周末约上三五歌友去KTV，共聚一堂把麦欢唱，其实平日里都可以忙里偷闲，尽兴开唱、sing sing不息。就算冇KTV嘅专业设备，只要一麦喺手，边度都係舞台！ 郭玮/文 品牌官网/图 口袋歌星梦 随时随地想开个唱嘅朋友，对麦克风嘅要求，最需要嘅当然方便收纳，以便随身携带。手机都可以用嘅迷你麦克风，将麦克风同耳机巧妙链接，兼具发声、收音功能。整体size只有手指咁上下，随身袋落裤袋就可以出门，插入手机瞬间直接自动连接K歌软件，实现想唱就唱。方猫推出嘅耳机话筒一体化迷你麦克风，采用高灵敏、低阻抗嘅驻极体传声器，令输出音质更自然，拾音更清晰。除咗多色可拣之外，佢仲兼容苹果同安卓系统，无需充电方便快捷实现你嘅歌星梦。不过目前好多品牌推出嘅迷你麦克风，配置嘅都係3.5MM插头接口，大家记得要根据手机实际插口选择适配嘅插头。 架势小巨蛋 去“小巨蛋”开个唱係好多歌手嘅梦想，冇乜舞台经验嘅我哋，一样可以浅浅地实现“小巨蛋”dream。唱吧为各位歌民配套咗装备，小巨蛋系列麦克风实现咗音箱麦克风一体，身材虽小音效却好震撼。佢唔单止采用降噪黑科技，消除底躁完美收音，更利用反射锥结构设计，为听众送上360度环绕声听觉享受。更妙嘅係，佢无线连接可实现一键多机互联，只需轻轻一按即可多麦连唱，开启party time。玩心重嘅朋友，仲可以选择唱将音效，小黄人音效等等模式，乐享声音盛宴，尽情架势开声、架势sing。 仪式感满分 如果觉得无形音箱始终差啲感觉，咁音箱加麦克风嘅套装可以妥妥满足你嘅仪式感。点音小魔女音箱套装，马卡龙配色清新养眼，啱嗮爱唱又贪靓嘅美少女。复古小巧又精致嘅甲壳虫音箱，用蓝牙链接，搭载配置至少16芯嘅立体音质，低音重音外放都唔会有底噪。音箱除咗简单连接手机播放模式，仲有调频设备，随时随地接收电台信号，畅听美好的声音，侧面设有卡槽可接受插卡增容，冇网或者信号差嘅时候都可以畅享欢乐。配套嘅迷你无线麦克风有7种变声模式，高度还原声音真实感，2000毫安嘅电池容量可超长续航6小时，包保你畅快淋漓sing个够。 无声胜有声 K歌咁欢乐，有时太过投入，唔小心影响到人就唔係咁好啦。谂法多多嘅设计者，为咗令每一位爱音乐嘅朋友都可以尽享K歌愉悦，仲设计埋可以消音嘅麦克风出嚟。呢种消音麦克风用物理消音技术，麦头采用全封闭罩式设计，圆滑罩口嘅边缘会将嘴巴罩住，发音嘅时候声音收入杯体结构中，再通过细管传送到听者嘅耳筒，因为密闭空间可以锁住气流，大大减少声音嘅外传；杯体中间设有透气小孔，方便呼吸换气，绝对唔会影响歌技发挥。有咗呢种消音麦，再都唔洗担心歌声影响到人，随时随地大sing特sing都冇问题。
