fun享十一，好玩假期大搜罗

　　“十一”小长假正在向你招手！难得有7日假期流流长，仲唔趁机将心仪已久嘅玩乐旅程通通安排？未谂好点玩唔紧要，贴心的Color已经为大家plan好嗮，就喺广州、无需行远，包你假期过得精彩连连，七日玩乐不重样！　

　

　　陈祉伶/文   Color团队、山湖营地、品牌官网/图

 

宝藏景点好推介

　　网红景点可能有滤镜加成，Color推介嘅宝藏景点，通通係可乐君实地探访，包冇花假！仲有埋最实用嘅游玩攻略、最生鬼嘅隐藏玩法添。旧地新游广州动物园，呢座位于闹市中的动物园，承载咗好多人珍贵的童年记忆，难得嘅係佢历史悠久，但绝唔係“老饼”！园内有唔少大家钟意嘅动物，近年更新增唔少新成员，动物园花足心思打造特色活动、新奇打卡位，无论你系故地重游，定係初次探访，都能收获满满快乐时光。扮到靓一靓、最近先重新开放嘅广州中医药博物馆，馆藏丰富，知识点满满，精心布置过嘅互动区好过瘾，绝对係个被低估的假期好去处。

 

 

 

秋日露营有贴士

　　虽然广州入秋气息不算浓，不过气温亦已经轻轻回落番少少啦。惬意小长假，撞上秋高气爽，最啱梗係拉队去露营。想要玩得开心，当然先要玩得放心，未开发的野营地太唔安全，设施齐全的露营点又贵又唔多？淡淡定，唔使慌，Color已经为大家提前做好功课啦。今年起，广州涌现一批公园绿地开展帐篷区试点，大大满足咗对大家亲近自然嘅户外休闲需求。至潮嘅公园露营有乜魅力？边啲公园有特色营地？新兴潮酷玩法有啲乜？答案通通喺齐度。

 

 

 

宅家轰趴乐趣多

　　唔想出门人逼人，又想搵啲嘢玩，充实下假日时光？Color也为“宅家星人”准备咗丰富嘅玩乐选择。

 　　  经典桌游原来也有新奇创意的特别款，玩法冇变难但乐趣有加倍；烧脑桌游考脑力，约番老友开番局，决出“最强脑王”；桌面运动game热血开波，整番场指尖运动会至过瘾……有品类丰富的board game让聚会永冇冷场。

 

 

足不出户也想游四方？咁就先放舌尖去旅行啦！Color搜集咗全国多地最有特色嘅零食，让你开胃又开眼界。 

 

　　策划：骆苹、曾敏妍

　　统筹：曾敏妍

　　执行：黄芷晴、郭玮、陈祉伶、秦丽莹、黄蕾、李凯茵（实习生）