大开眼界！趣游中医奇珍世界

　　提起中药，大家自然联想到甘甘哋嘅味道，如果Color话要带你去睇广东中医药博物馆，你首先会谂到咩？

 　　  位于广州大学城内嘅广东中医药博物馆，经过整体升级后，在今年7月揭开神秘面纱啦！馆内通过各种有趣的形式，向大家展示博大精深嘅中医药文化，好啱大、小朋友假期里相约打卡，一边汲取知识，一边收获快乐！

　　郭玮/文、模特　　陈祉伶、秦丽莹/图

 

知识宝库超有料

　　博物馆共设5层，每层都有多个细分的主题展览馆。“标本馆”向大家展示各种类型嘅中药标本，碧绿草本可能係我哋成日讲的止咳药，黝黑木头可能有益气养脾嘅功效，望落同普通生果冇区别的肥美果实原来有剧毒……你未见过嘅趣怪草本、动物矿物，原来都可能係治病、养生嘅“苦口良药”。“针灸馆”内有琳琅满目的针具、穴位图展示，每个时期嘅“九针”都各有特色，金属制嘅尖幼锋利，玉石造的就晶莹冰洁，每款展品的展出更有精心搭配过，兼有详细的视听解说，形象地呈现针灸发展概貌，等大家可以了解个中玄妙。“养生馆”则最贴近生活，从日常饮食健康，到长寿养命秘方都有唔同嘅展示，有啲仲会设置体验区等大家即场感受添。在博物馆里的每个时刻，目光所及都係满满的知识点。

 

 

 

 

惊喜打卡靓爆镜

　　每个进入博物馆嘅观众 ，首先都会被贯通3个楼层的岭南中草药液浸标本墙所吸引，此处展出以岭南中草药为主的600瓶药用植物原色浸制标本，晶莹通透、色彩斑斓，站在馆内不同楼层观赏，会呈现出不一样的视觉美感，被誉为“中药水晶宫”。拣啱角度随手拍，大片靓照即刻get。仲有好多宝藏打卡点散步在各个展馆的角落：可以同巨型人参模型“做friend”，可以走过声控展示柜玩转“隆重登场”，仲有细节满满的中医馆场景区，等你可以挽手铜像合影，或者cos执药大夫……只要你谂得到，就有好多可以影到靓相嘅打卡位。想参观“野生动物世界”？唔一定要去公园，嚟呢度一样可以收获百兽出巢嘅惊喜！馆内特设展区专门介绍药用价值好高嘅海洋生物、陆地动物。例如，海洋馆内有一条“海底隧道”向大家展示鲨鱼、海龟、鲸鱼等等海洋动物标本，海蓝色射灯将通道映衬得非常有feel，企喺中间就犹如置身海底，唔洗湿身都感受到水嘅清凉。

 

 

 

 

 

互动实操劲过瘾

　　耍养生拳可以闯关，点击投影墙嘅气泡可以学药理知识，形似“打地鼠”嘅机器原来係讲解内脏对应嘅患病警告……馆内有丰富又好玩的互动实操装置，兼具趣味性与学习性，让大家从心底里觉得中医药文化原来都好有趣，在轻松的玩乐过程中感受中医药的魅力。有啲位置仲可以让你知道自己嘅身体状况，好似身高体重秤隔离就有BMI对照表，查到自己嘅身体指数是否达标；拉筋体验区有齐齐整整嘅“拉筋台”，Color团队齐齐上阵，大家估唔估到边位最掂？