得闲露营！出去享受鸟语花香

　　假期唔知玩啲乜？得闲就去露营！今年元旦起，广州开展第一批公园绿地帐篷区试点，大家亲近大自然、休闲放松嘅露营愿望越来越具象。夜幕繁星、复古吊灯、圆台嘅折椅等靓照，渐渐成为社交平台嘅“硬通货”，甚至令人有种“半个朋友圈都喺露营”嘅感觉。　　

　　

 　　  实习生 李凯茵/文  

 　　  山湖营地提供、实习生 李凯茵/图

 

 

 

 

 

Glamping越来越方便

　　其实依家最火爆嘅公园露营，同最早期嘅露营并唔系一个概念。公园露营喺一定程度上係“Glamping”，即“Glamorous+Camping”，係一种更加精致同舒适嘅户外露营方式，唔再强调户外过夜，而更多嘅係一种周末和假期嘅精神疗愈。如果想去啲冇商业化嘅公园露营，比如大夫山等等，就要自己带齐露营用品，找寻安全合适嘅草地搭建嘅露营基地。要去珠江公园咁样嘅公共露营场地，我哋要做嘅第一件事就係去官方渠道预约。然后准备好食品同消遣物，去到园方提供嘅帐篷，就可以同屋企人朋友享受户外嘅快乐。在方便一啲嘅露营方式，係去现时已经有公园建立起专用营地，比如喺海珠湖公园新建嘅山湖营地。呢啲营地嘅基础设施与用品配套都较为齐全。时不时仲会举办一些主题露营活动，去那里露营就唔使特登准备专用架罉，直接带个人去体验就得啦。

 

 

 

 

潮酷玩法层出不穷

　　露营之所以会成为如今最hit嘅休闲活动，係因为佢可以同好多其他潮流活动联动，结合各自嘅兴趣，简单嘅露营假期都能成为“充电式假期”。例如露营可以有音乐会助兴，吉他弹唱，加埋鸟语花香，斋谂都会觉得好舒适；又如露营都可以同最时兴嘅飞盘运动结合，大家可以一起坐喺草地上DIY专属飞盘，一起欢笑，一起运动。特殊嘅时节都会有主题策划，大家聚埋一起，喺城市中最靠近大自然嘅地方放松，以相聚嚟治愈生活嘅琐碎。山湖营地曾经同南越王博物馆联合举办过“导盲犬日团见面会”呢种户外科普活动，可以同一班“生性”嘅导盲犬一起享受露营时光，体验都相当特别。阳光、绿茵、湖畔、新鲜空气，仲有重要嘅人，呢啲元素组成做露营最独特嘅魅力point，怪不得咁多人玩上瘾。

 

 

 

 

玩露营都要讲规矩

　　孭起背囊，就出发？除了装备和食品，资深营友仲会同大家安利两个关于露营的理念。一个係令你可以不慌不忙出发嘅“无负担嘅露营”。

 　　“无负担”是什么都不用带？相反，佢係提醒大家露营时只能做好万全准备，露营直接接触嘅係大自然，好多因素都无法控制，比如注意防晒、及时补充水分、做好防蚊措施，多备一套衫以防骤雨等，带齐一些必须的装备，玩得会更加安心。

 　　  另一个是“无痕露营”概念。去露营，我哋享受咗满眼绿色的养眼环境，放松咗身心，同时都要做好环保功课。“无痕露营”概念嘅意思係，每次露营完请大家离开时带走垃圾，让绿地保持生机勃勃的状态，等自然回归自然，露营都需要“可持续发展”的理念。