大食四方！ 味蕾带你去旅行

　　外出旅行，除咗领略自然风光、细味人文情怀，最吸引人嘅point就係可以周围觅食啦。中国那么大，想要食遍全国，靠真人过去旅行要花唔少时间，现在我哋嘅物流系统发达，好多美食都可以送到你面前！“吃货”Color君就等味蕾先行，带大家足不出户，在家“吃”遍四方，探寻各种特色宝藏小吃。　

　

　　黄芷晴/文 产品官方/图

 　　潘祥记鲜花饼

碳水盛宴

　　碳水係能量之源，每个地方都有自己嘅好味碳水化合物。普通嘅发面馒头食得多，咁你要试试天津银丝卷，佢内部结构唔係致密嘅孔洞，掰开似面条一样丝丝分明，带俾你全新嘅早餐口感。讲到椰子，大家一定知道佢係海南特产之一，除了椰子糖、椰子脆脆、椰青，现在我哋仲可以食到好有热带风味嘅椰子饭！香软嘅糯米，被整粒椰子包裹，被椰香渗透微甜的椰子饭会越嚼越香，再加码啲椰子汁或者芒果汁，风味更佳。糯米饭、馒头太饱肚？你试试山西嘅荞麦碗团。呢种由被扁平小碗装载，荞麦制成嘅冻状小吃，最啱当宵夜。倒上油泼辣子同陈醋，软糯嘅口感让你食到停唔到口。

 　　南国 椰子饭

 

 　　荞歌 碗团

下饭“神器”

　　识饮识食嘅广州人，点会只满足于碳水嘅果腹之欲。唔安分嘅味蕾成日都想试啲新刺激。大家都知道，贵州人嗜辣如命，但冇谂到佢哋居然“丧心病狂”到，直接将辣椒制成香脆嘅零食。好似俾针拮过条脷咁，食完口腔微麻，辣椒终于做翻次主角。如果嗜肉，一定唔可以错过呢款美味——“冷吃兔”係真·兔肉，尽管“兔兔这么可爱，为什么要吃兔兔？”但当你睇到特制嘅酱料，包裹大细适中嘅兔肉丁，一口一粒，香酥嫩滑，既可以餸饭，又可以当零食，好容易就消化一大包。

 　　蜀道香 冷吃兔

 　　冠霖 贵州辣椒脆

 　　大师的菜 冷吃兔　　

甜味mix

　　食饱饱正餐，“甜品胃”係时候上岗！北方食物偏酱香、重口味？北京茯苓饼就係甜甜地嘅，茯苓霜和面粉做成的馅饼，中间夹住晶莹嘅蜂蜜同果碎，香甜之余仲有滋补之效。云南鲜花饼就个个都听过，其实酸角糕都好有代表性，将二者mix埋一起，玫瑰酸角糕就诞生啦！酸甜中隐藏住花香，晶莹透明嘅粉红色糕体，无论係味道，定係外表都会令人少女心爆发。白滑豆腐就人见人爱，但浙江木莲豆腐就有所不同，由木莲籽搓成嘅透明晶冻，爽口清凉，係当地人嘅童年味道，亦都係所有“薄荷控”不可错过的美食。　

 　　十八怪 玫瑰酸角

 　　京御和 茯苓饼

 　　木莲果

 　　祖名 木莲豆腐

Happy ending

　　食到够晒喉，用杯饮品做ending就完美晒！新疆嘅奶制品口碑一直都唔差，尤其是佢嘅奶茶浓郁到“一啖入魂”。咸味奶茶听起身好似“暗黑料理”类，其实淡淡嘅咸味会让更加突出奶味嘅醇香，绝对会颠覆你嘅误解。花椒除咗做香料，仲可以整成酸奶，你实估唔到吧？陕西花椒酸奶个名听起身奇怪，细细瓶好似酱料，独特嘅工艺将花椒嘅麻同香分离，令佢吃起来只有花椒嘅香味。想令味蕾体验过山车嘅朋友，真係可以大胆一试！

 

 　　韩麻麻 花椒酸奶

 　　天美华乳 奶茶