COLOR缤纷颁奖典礼

　　策划:骆苹、曾敏妍

　　统筹:曾敏妍、郭玮

　　执行:郭玮、陈祉伶、黄蕾、秦丽莹

　　

　　话咁快，2022年即将过去啦，你喺年头写落嘅年度计划，完成进度到达标未啊？今年，Color团队继续奔走于各种潮流角落，搜罗各类新奇趣怪嘅好玩资讯，顺顺利利又陪住大家大咗一岁啦。趁住年底，等Color都搞番个颁奖典礼热闹下先！

　　陈祉伶/文  陈祉伶、影视剧照/图

　　郭玮、黄蕾、黄芷晴、秦丽莹/模特

 

　　明星老友逐个数

　　有密密关注开可乐报嘅朋友仔，就知道我哋今年又扩大咗个“豪华朋友圈”啦！过去一年里，可乐报嘅“含星量”节节攀升，有越来越多明星艺人到Color大本营作客，仲同我哋在各种高质量品牌活动中，进行咗好多唔同类型嘅深度合作。其中，有好多朋友仔喺度贡献咗好多“第一次”添：解锁新技能、初尝百年名菜……今次颁奖典礼，Color都为呢班明星老友颁番个奖项，感谢佢哋对Color一直嘅支持。

　　

 

 

 

　　影视作品好吊瘾

　　每期可乐报都设有“煲剧”“搜影”等栏目，策划大家最感兴趣嘅主题，等读者朋友第一时间get到各种最新鲜嘅影视资讯。今期颁奖礼，同样为大家搜罗咗一部分最有睇头嘅电影、电视剧以及综艺节目噶。有斋睇预告片段就让人充满期待嘅合拍剧，又有正能量爆灯嘅年度压轴电影，仲有大玩新花臣嘅港味综艺，每一部都好有惊喜，吊足观众瘾噶。

 

 

 

　　

　　玩乐地精选推介

　　想知边度有最值得打卡嘅玩乐地？跟实识玩识食嘅Color就实冇错！今年，可乐君带大家去到广州城东南西北各个角落，搵到咗好多颇有亮点嘅宝藏打卡景点，等大家唔使出远门，都能收获不重样嘅充实旅程。趁住今期颁奖礼，我哋都精选出几个最值得推介嘅好去处，让大家一次过get到潮玩广州嘅满FUN攻略。

 

 

 

　　

　　珍藏道具大晒冷

　　为咗给读者朋友更出彩嘅视觉呈现，可乐君除咗要挖空心思搵盏鬼嘅报道题材，在图片素材的拍摄上，也好落功夫噶。我哋会自行DIY制作道具，或者就地取材，用无厘头嘅物件拍出最好玩嘅相片，所以都陆陆续续收藏咗好多趣怪嘅拍摄道具。难得办次颁奖礼，当然都要晒一晒呢啲深藏功与名嘅“老拍档”啦。