最合拍！超有睇头嘅新港剧

　　近几年，好多香港与内地嘅合拍剧，出品都相当唔错噶！香港实力派艺人嘅港味演技，加上内地嘅丰富资源与多元平台，令到呢啲作品既有港产片风味，又融入咗好多具有内地文化嘅特色元素，令佢哋受众更广，更迎合依家多元发展嘅市场。今年年中，一批香港艺人组团翻内地，参与拍摄咗多部电视剧，一起嚟look look佢哋究竟有咩睇头啦！

　　郭玮/文 官方海报、剧照/图

　　港人演绎港味烟火

　　《香港人在北京》由歌手吴若希 ，首次担纲电视剧女一，搭档“视帝”大热人选陈展鹏，辗转宁波、北京、香港三地，演绎港人北上打拼嘅一些事、一些情：喺香港已经将事业打理到风生水起嘅男主角，被派遣到北京驻点，带埋太太北漂嘅佢一心谂住北上叹世界，点知不断被现实击倒。秉承港人“打不死”嘅拼搏精神，男女主唔单止结识咗志同道合嘅伙伴，更一起重新振作、不断拼搏，终于又再闯出一片新天地。呢部剧集齐香港新旧两代演员，青春无敌嘅新人养眼又吸睛，演技过人嘅资深派实力够杀食，仲有梁汉文、麦长青等前辈加盟。强大阵容加上贴近生活嘅题材，由香港人本色演出嘅《香港人在北京》，定能还原出正宗港剧嘅烟火气。

　　

 

 

 

 

 

　　夜色中的“美丽战场”

　　上世纪八九十年代嘅香港，每逢华灯初上，后生仔女便开启纸醉金迷嘅夜生活。《一舞倾城》讲述一班来自唔同阶层嘅女仔，喺灯红酒绿嘅夜店里成为好姊妹，当佢哋之间产生名、利、爱、恨嘅冲突，由情同姐妹变成各怀鬼胎。该剧是由姚子羚、蔡洁、陈法蓉等人主演，姚子羚最近于内地发力参演多部合拍剧，蔡洁在《法证先锋5》中饰演法医令人印象深刻，至于久未露面嘅陈法蓉，大家都好期待佢在演技上嘅新突破。呢部新剧嘅被誉为港版《华灯初上》，睇剧照仲有一种《我和春天有个约会》嘅味道，又似係另一个勾心斗角嘅“美丽战场”即将开启，你期唔期待咧？

 

 

 

 

　　二搭CP断奇案

　　当年，由张达明主演嘅探案电视剧《状王宋世杰》风靡一时，如今为致敬经典，佢再次出山，监制并参演新剧《状王之王》。呢部剧讲嘅係状师宋世杰同朋友，组建咗警恶惩奸小分队，断破一宗宗奇案、冤案嘅故事。办案过程中，人性嘅美善丑恶暴露无遗，而宋世杰嘅正义感亦逐渐被激发。幽灵新娘、蜘蛛精杀人、灭门纵火等单元名，骇人听闻但同时勾起观众嘅好奇心，团队耗时多月于横店影视城取景拍摄，相信质感唔会差。姚子羚继《好心作怪》后，二搭王浩信再做CP，仲有林子聪、金刚等搞笑能手参演，陈浩民客串，从演员阵容嚟睇已经非常吸引，加上清装破案题材嘅电视剧，本身就容易俘虏观众，值得大家期待下噶。