最老友！Color嘅friend全星级

　　快乐嘅时光过得特别快，话咁快，就嚟到今年嘅最后一期《可乐生活》。喺今年，越来越多大湾区明星、艺人参与到我哋嘅主题活动中，成为“Color嘅friend”，嚟Color大本营打卡、同粉丝互动、给大家送福利……为咗感谢佢哋嘅付出，呢个moment，可乐君诚意为佢哋颁发以下奖项。

　　郭玮/文 Color团队/图

　　最“劳模”：胡鸿钧

　　要数最老友，今年喺可乐报出镜率劲高嘅胡鸿钧（熊君），必须有名字。从成为690期嘅cover star开始，“熊君”成日嚟探班，参与到Color嘅好多个栏目中：拍摄《UP在湾区·港见粤闻》，到省内各地玩转“非遗”；嗨逛羊城创意产业园，献技“健康广州”活动，加盟《粤语课堂》教大家讲粤语；仲有重走南石头工业印记等。每逢过节，佢仲贴心送福利：七夕送花冧粉丝、生日唱歌表祝福、中秋节静鸡鸡埋寄礼物！近来一直忙于举办内地巡回音乐会嘅佢，对Color嘅多次邀请都有求必应、从来唔会托手踭，简直就系Color团队“编外成员”，最强“劳模”一定係佢啦。

 

 

 

　　最有Power：Supper Moment

　　今年，Color有好多快乐moment都係同“Supper四子”一起度过噶！开show现场，佢哋power十足，感染力非凡；游山玩水，佢哋识饮识食，仲抓住机遇学唱山歌；发放正能量，佢哋创作回归歌《共创新篇》……工作嗰阵，Supper Moment好认真，为大家传递“精神食粮”；贪玩嗰阵，佢哋又会展露孩子气嘅一面，做大家嘅“开心果”。Supper Moment用自己嘅歌声、作品，给我们传递满满的正能量。

　　

 

 

 

　　最精叻：朱主爱

　　身为创作歌手嘅“小草”朱主爱，因为工作嘅关系，从马来西亚嚟咗广州，喺远离家乡嘅地方独自生活咗几年，佢已经get到咗好多新技能。创作上，小草将成长经历写入作品；生活上，佢适应咗地道市井嘅生活气息，“粤”住“粤”有味道，仲教大家煮美味嘅家乡菜；讲学嘢，佢大胆尝试，联手可乐君做埋粤语课堂“导师”！全面发展嘅小草，不断展现自己嘅多才多艺，拓展自己更多嘅可能性。

 

 

 

　　

　　最甜蜜：糖妹

　　可爱嘅糖妹同Color早就结下过深厚的缘分，今年，在可乐君嘅诚意邀请下，老友记糖妹先係去到佛山体验非遗手艺——石湾陶塑，品尝传承百载嘅“太史菜”；之后又担任“玩乐体验官”，重游我哋曾经分享过嘅吃喝玩乐好推介。顶住近40度嘅烈日高温，糖妹依然热情投入各种新奇趣怪嘅玩乐计划：做一日咖啡拉花师、学习趣味手工艺tufting、打卡特色社区影靓相……甜到漏嘅微笑打败热到融嘅气温，大片定格佢每个开心瞬间，同Color一样，糖妹想将自己嘅开心传递俾每一位读者，名副其实甜到漏嘅“糖”啊。

　　

 

 

 

　　最暖心：曾比特

　　《初恋》係Mike喺今个夏天嘅爆红标签，爆炸头则係佢让人深深记住嘅特色标志。致力于将开心传递俾身边每一个人嘅佢，係个钟情old school嘅潮人。参加综艺，令佢结识到好多志同道合嘅前辈；同可乐君去拍“非遗”，感受传统手艺嘅同时仲食到好嘢；520表白日嘅时候，佢更变成Color全部fans嘅“初恋”，对住大家大比爱心，甜度爆棚、爱意满泻。