最满FUN！广州宝藏玩乐地

　　一直以来，贪玩嘅可乐君为大家发掘咗好多来自各地、唔同类型嘅有趣打卡点。今年Color就对广州城进行咗地毡式搜索，寻觅出好多值得推介嘅宝藏玩乐地噶。今次颁奖礼，也为其中最有特色嘅景点颁个奖，等大家一次过get到，满FUN潮玩广州城嘅最佳攻略！

　　陈祉伶/文 Color团队/图

 

　　时逛时新：广州动物园

　　边个话童年景点只卖净情怀噶？广州动物园第一个表示“不服”！齐刘海狮子“阿杭”、饮老火汤嘅猩猩、向大众征名嘅金丝猴BB……呢个童年必打卡嘅景点，依家仲係会时不时带俾我哋唔一样嘅惊喜！其实，广州动物园一直与时俱进，係个时睇时新嘅宝藏景点。园内时常有可爱“新丁”前来报到，等住萌化你的心，仲有身世盏鬼嘅“老朋友”，每一只动物都有独特魅力！为咗吸引更多游客去了解佢哋，园方都谂咗好多计仔，例如定期举办主题课堂，设置生鬼嘅3D打卡位，包你每次去都有新发现。

 

 

 

 

　　潮到风湿：东山口

　　今年，我哋为大家探索过唔少潮店扎堆嘅特色街区，好似位于晓港地铁站附近，比都市节拍慢半拍嘅晓西社区，呢度藏有多家个性十足嘅咖啡店铺，以及粉刷成彩虹色嘅潮品商店；与繁华北京路仅仅一街之隔嘅盐运西街区，保留咗一份低调嘅温馨祥和，又欢迎咗诸多新潮主题店铺入驻……如果要拣出“潮到风湿”代表，东山口始终排top 1。作为广州含“潮”量最高嘅打卡地，东山口有充满历史韵味嘅洋房建筑群，浓缩咗中西方文化融合嘅万种风情；又有随处可见嘅个性潮店，出彩嘅空间设计或品牌理念，为大家带来很多惊喜和趣味性；就连街头嘅潮男潮女都係一道独有嘅风景线。

　　

 

 

 

 

　　知识爆表：广东中医药博物馆

　　广州唔止有美味以及玩乐体验，仲好重视学习——通过逛博物馆，汲取一些专业领域嘅知识啦！Color都为大家探访过好多又有趣又有嘢学嘅打卡点噶。例如，铁路迷不能错过嘅广州铁路博物馆，佢有堪比二次元世界嘅撕漫靓景，更係展现广州铁路文化及发展史嘅重要基地；以历史建筑物为载体嘅广州华侨博物馆，用瓷画讲故事、实景传真意等别出心裁嘅呈现方式，带你回到广府华侨拼搏奋斗嘅旧时光。而馆藏丰富、主题新鲜嘅广东中医药博物馆，获得呢个“知识爆表”奖，绝对实至名归！共设5层嘅广东中医药博物馆，每层都有多个细分的主题展览馆，其中被誉为“中药水晶宫”嘅岭南中草药液浸标本墙，不但呈现出不一样的视觉美感，更係超有料嘅知识宝库，目光所及都係满满的知识点！

　　

 

 

 

　　童话奔现：华侨新村&府学西街

　　“彩虹村”唔单止存在于童话中，现实中都可以搵到噶！近年，广州有唔少街道静鸡鸡换新颜，将一盅两件、非遗文化等“广府味道”定格成缤纷墙画，等你“沉浸式”感受呢份local氛围。在平时比较安静嘅华侨新村里面，就有一段画满“广府美食”嘅涂鸦墙，蟹子干蒸、腍软凤爪、多馅叉烧包等茶楼经典点心，卡通化呈现在小路嘅墙壁上，另类的“画卷铺开一条令人流晒口水嘅“开胃”之路。位于北京路商圈嘅府学西街，短短400米嘅一条路上，有广府味浓郁嘅老式凉茶铺，充满童年回忆嘅好味波波榄等，广州人嘅味蕾记忆，都被绘声绘色咁定格喺墙壁上、喺我哋嘅身边。