曹永廉现身广州暖心做志愿服务

　　前段时间，身处广州嘅香港艺人曹永廉约埋可乐君，一起到社区做志愿服务。电视上嘅阿廉，忠角、奸角随意切换，演技可圈可点；生活中嘅阿廉爱心爆棚、乐善好施，自带暖男体质。跟住Color进一步认识下，屏幕后认真对待每一件事，低调冇架子嘅曹永廉吧。

　　郭玮/文  Color团队、剧照/图

 

　　风雨中齐抗疫

　　上个月初，曹永廉趁住工作空挡，同羊城晚报·活动大平台嘅小伙伴一起到广州建设街做志愿服务，为广州抗疫出一份力。曹永廉戴着防护面罩、身穿隔离衣，引导大家有秩序排队、查验亮码情况、协助老人家操作健康码等。咁啱当日天公不作美，时大时细嘅雨水令大家都颇为狼狈，不过，嘅阿廉在风雨中，依然一丝不苟地投入服务工作，将每个步骤都谨慎又认真咁完成到位。遇到未完成操作、需要等待嘅人群，阿廉仲会好细心咁引导佢靠近雨棚，尽量令大家都可以避免湿身，真係够嗮暖心。完成几个钟头嘅志愿服务工作后，阿廉块面都被口罩勒出两条深深嘅印痕，佢仲笑称：“虽然我仲后生，不过呢条痕应该都要两日先可以弹翻出嚟。”一句幽默嘅话马上扫除大家一日嘅疲倦。能够服务大众，曹永廉觉得好荣幸，同时佢都感慨道:“呢份工作真係唔简单！”

　　

 

 

 

　　低调做“扫码工”

　　体验过一次“唔简单”嘅志愿者工作后，阿廉嘅献爱心之路并冇就此止步。上月中旬，适逢广州开设多次全市大规模核酸检测，需要增调更多志愿者，曹永廉又一次同可乐君去做志愿者。今次，阿廉就显得驾轻就熟，主动承担扫码工作。“扫码工”嘅工作内容唔复杂，但真係需要足够细心同耐性，要认真核对扫码嘅资料信息，遇到有网络延时、亮码失败嘅市民要耐心协助，安抚大家嘅情绪……阿廉喺事后同可乐君讲，佢真係深深体会到一线工作人员嘅唔容易。曹永廉希望，自己作为一个公众人物，通过做志愿者的机会可以为大家树立榜样，令更多人投身到防疫工作中；同时，自己亦係一个普通公民，无论几时都会按要求做好个人防护，一起撑广州。

　　

 

 

 

 

　　观众缘好到爆灯

　　戏路百变嘅阿廉，观众缘真係几好噶！喺曹永廉嘅两次志愿者经历中，都有唔少街坊认到佢，表示睇过佢嘅戏。例如佢係《公公出宫》里面宅心仁厚嘅“陈小凤”，《On Call 36小时》中又cool又专业嘅“钱医生”。前段时间，喺《十八年后的终极告白2.0》里面，阿廉饰演咗因爱成魔嘅变态杀手“何大勇”，切换到《痞子殿下》中成熟稳重嘅“霍青山”身上，亦毫无违和感。曹永廉係演技上从来冇令大家失望，演奸角嗰阵可以奸到出汁，演起善良角色又可爱到充满粉红泡泡。外貌冻龄嘅阿廉，近几年都尝试接触各种新鲜事物，回到内地嘅呢段时间，佢变成咗美食博主，四围试食地道美味，仲话要暂时放纵身材管理，因为广州嘅美食实在太诱人。