GC观辰：活出无所畏惧的样子

　　喺《UP在湾区•港见粤闻》节目中，除咗有多位大咖艺人陪大家玩转非遗之外，仲有一位不时客串嘅靓靓小姐姐，都默默陪咗大家好多期节目噶，佢就係GC观辰啦！人称“千七姐”嘅佢，係美食主持，又係粤语歌手，仲有个interesting 嘅灵魂添。一起嚟认识呢位，想抛开包袱做自己嘅小姐姐啦！

　　郭玮/文 受访者提供/图

 

　　积累作品证明自己

　　观辰细细个嗰阵，就开始将音乐当作自己嘅精神食粮，曾经嘅佢觉得成为歌手係自己最大嘅愿望。不过，从《粤语好声音》嘅“新人王”，到依家嘅多栖艺人GC，佢渐渐发现，其实多栖发展，一样需要花好多时间学习好多新嘢，探索一切未知，不断咁充实自己，呢个过程令佢好enjoy。通过一步步探索，然后知道自己想要乜嘢，係观辰步入呢个圈子之后收获嘅最大得着。前段时间，观辰受邀成为吴业坤演唱会嘅嘉宾，演唱咗自己嘅新歌《无睡意》。而当被问及未来仲想同边个合作时，观辰就谦虚地表示要再积累多啲原创作品，有咗资本让更多人认识自己，先有机会谂同边个谈合作。佢话自己偶尔都会回看以前嘅作品，忍唔住仲会share俾人，感受到当下嘅进步，未来先会做得更好。

　　

 

 

 

　　“综艺体质”real有趣

　　观辰仲承认自己有“偶像包袱”，不过正努力放低：“唔介意别人嘅评价，活出无所畏惧的样子，人生才过的开心啊，哈哈哈哈……”观辰呢种又real又有趣嘅性情，喺佢有份录制嘅各类节目中，就更加暴露无遗啦。好似录《UP在湾区》时，要在小河荡舟上唱民谣，佢至今仍直言惊惊猪：“我唔识游水，惊跌落去。仲有民谣嘅腔调实在好难！”跟住《品城记》食遍各地美味，佢话最难忘嘅係顺德嘅“爆珠煲仔饭”：“打开煲盖后，我见到一整煲猪眼！”特别係老板从厨房摞出一包猪眼嘅情景，观辰话一世都唔会忘记哦。讲起呢啲趣怪往事嘅时候，佢都好热衷表达自己real嘅情绪，中意食嘢又贪玩嘅真性情，真系好容易就会同佢做咗friend。虽然冇乜时间关注综艺节目，但如果有得拣，观辰最想上《奖门人》玩下：“工作嘅时候仲可以开心玩游戏，谂到都觉得赚了！”

 

 

　　

　　坚持努力，未来可期

　　2022年已经进入尾声，虽然今年嘅to do list因为各种原因进度缓慢，但观辰对未完成嘅计划依然充满信心：“可能我喺今年最后嘅时候，就完成晒咧！”除咗感谢一直支持同关注自己嘅朋友，佢觉得努力做更多作品出嚟俾大家睇到，係最实际嘅行动。新年嘅愿望会係咩？观辰话：希望自己中意嘅广州一直咁好，希望大家都开心快乐，更加希望不断努力让自己变得越来越好！Color都相信，咁有趣嘅观辰，未来一定会有更多惊喜俾到大家。