|
|
|
Color靓Club又开班啦！今次接受变装计划嘅係媒体圈中人嘅“牛牛”，细细粒嘅佢，平时沉迷工作，对自己外形疏于打理，已经到年底，再唔改变等几时？今期梁琤老师同Bowie老师两位“星级导师”继续发力，话可以帮“牛牛”焕然一新，换个靓look迎接新一年！前方有高能的变靓贴士，大家接招啦！ 郭玮/文 陈祉伶/图 想腰细腿长？睇搭配！ 牛牛身型细细粒，平时中意穿啲又长又大件嘅衫，加上一把长长嘅头发，成个人就显得更加娇小玲珑。梁琤老师同Bowie老师觉得，佢个样生得咁young，但太宽松嘅衣着对佢反而係累赘，睇落唔够精神，及腰长发令人羡慕，但扎成孖辫就显得唔够时尚。根据牛牛自带嘅少女感，两位老师帮佢拣咗一套学院风嘅短款西装，加百褶裙套装俾佢，将佢嘅长头发盘成清爽丸子头，气质瞬间唔同嗮。 短款西装外套，可以很好地突出牛牛嘅腰线，搭配着束腰裙装，整个人看起来腰细腿长；轻盈灵动嘅百褶裙，係女团中出现频率最高嘅穿着之一，帮整个造型增添层次感，可爱得嚟亦有idol嘅气场。百褶裙下摆到膝盖以上，这是一个实现拉长双腿视觉效果嘅长度，如果衬翻对简简单单嘅方踭漆皮短靴，会显得更加干练。不过，由于牛牛嘅少女感好强，Bowie老师就建议佢试下运动风嘅高帮布鞋，上身效果确係活力四射，成个人更显活泼。 有型又可爱，靠细节！ 牛牛平时好少化妆，为咗方便工作，戴嘅都系框架眼镜，佢对自己嘅小眼睛一直唔太自信。化妆老师细心咁利用眼线同假睫毛帮佢“放大”眼眶，特别拖长嘅眼线、大眼美瞳都係加分项，时尚感马上提升咗。根据牛牛嘅肤色，老师选定偏橘色嘅眼影叠加闪粉，令到眼妆更有层次，再搭翻同色系列嘅腮红同唇膏，成个妆容少女感爆灯。喺造型上，都有好多细节：Bowie老师帮牛牛加咗条亮色腰带，强调腰线；喺衫领处系多个小蝴蝶领结，超减龄；梁老师则帮手拣咗对亮眼耳环，配色简洁但够晒显眼嘅心心耳钉；高扎的丸子头，本身就减龄又显高，老师仲特别要求丸子头要扭成尖尖状。正因为呢啲细节，令牛牛成个look型得嚟又可爱，灵气十足。 梁琤、饶子怀 “星”级高招大派送 除咗呢个idol造型，两位老师仲为牛牛提出咗好多“星”级高招。Bowie老师觉得牛牛可以考虑改变下及腰长发嘅长度，建议修剪到齐手踭嘅位置，一嚟方便打理，二嚟可以更好keep翻佢少女嘅人设。梁琤老师就好懂女仔心，亲自教埋牛牛买边种眼线笔方便又好用，点搭首饰最好睇，成个知心姐姐咁够嗮warm。平时一条长裤走天下嘅牛牛，经过两位老师改造提点后，都慢慢feel到自己适合嘅妆造，准备入手百褶裙正式“闯荡”idol圈。经过改造，又冇咗眼镜嘅羁绊，牛牛笑起嚟都自信咗好多！ 
星级时尚助力官
