|
|
|
仲记得喺电视剧《上车家族》中，芊芊有位“好朋友”小板，除咗陪佢家庭乐，仲协助佢送外卖赚钱，更帮佢度过郁闷嘅时光，最终促成咗佢同高荣嘅感情添。呢块“小板”，其实就係时下好兴嘅陆地冲浪板（下简称“陆冲板”），虽然佢睇起身好似普通滑板咁，但其实佢哋玩法有大不同！ 郭玮/文 《上车家族》剧照、品牌官网/图 双桥有得拣 陆冲板同滑板一样，都係由冲浪运动演化而嚟嘅，专门为唔想湿身又想感受贴地飞翔快感嘅朋友而生。陆冲板嘅支架“桥”可以灵活大角度转动，桥一般可以分为两种：pu桥相对较硬，但佢就比较襟用，而且零件易买，适合初学者入门嘅时候使用；而弹簧桥嘅灵活性更好，可以俾玩家更强烈嘅冲浪感，但因为佢嘅稳定性相对低，而且玩起身动作幅度更大，更容易磨损导致断裂，重置起身又冇咁方便，所以新人玩起嚟可能要花啲时间适应。值得一提嘅係，陆冲板嘅桥仲可以根据玩家嘅体重自行调校，同使用者嘅适配度更高，所以更易上手，安全系数亦相对高一啲。 sixty-six陆地冲浪板 款多玩法多 滑板同陆冲板最大嘅区别，就係佢哋嘅动力方式唔同。滑板通常要靠不停蹬地借力，以及地势嘅高低起伏嚟加减佢滑行嘅速度，而陆冲板就可以唔使蹬地借力，只要扭动身体发力，就可以使陆冲板滑行，因此佢又叫做“扭扭乐”。而从外形上嚟睇，滑板一般两头翘起，所以又会被称为“双翘板”，两头嘅形状亦係统一嘅。而另一位“朋友”则有双翘亦有单翘嘅款式，板头有唔同形状可以拣，板尾就可以根据大家追求嘅玩法嚟考虑，例如“燕尾型”嘅款式，就适合灵活嘅拐弯动作，“方尾型”面积更大，踩踏嘅时候更方便。 Carver陆地冲浪板 保护做到足 由于陆冲板嘅板身随住玩家身体扭动会不停翘动，除咗桥会磨损之外，板身都可能因为与地面产生碰擦而磨蚀。点板器用嚟安装喺陆冲板嘅板头、板尾上，可以保护板身不会直接蹭到地面，延长板身嘅寿命。保护好自己心爱嘅小板固然重要，但更重要嘅就係要好好保护自己。玩陆冲板嘅时候，千奇唔好为咗chok就唔戴护具，亦都唔好逞强挑战唔啱自己level嘅动作。陆冲板嘅护具同玩滑板嘅基本一样，头盔、护膝、护肘都好重要，初学者建议穿上护臀裤，唔单止保护pat pat，更重要係在跌倒时能缓冲脊椎压力，将损伤降到最低程度。因为陆冲板需要靠扭动身体产生动力推动滑行，所以上板之前记得做好热身准备，认真学习基本功，抓好发力规律循序渐进咁玩，切记唔好贪一时之快就忘情“起飞”啊。 护臀裤 
Sixty-six 缤彩系列小鱼板
ACUxVE联名款陆冲滑（鱼尾型）
VKI燕尾陆冲板
Geele陆地冲浪板（方尾标准型）
神行者迷你陆冲板
小状元护具套装
ME宇宙TRUTH点板器
