废旧纸箱“重生”记

　　前段时间，唔少高校学生用快递纸箱、纸盒，制作自己嘅“小宠物”，由一开始嘅狗仔，到其他小动物以及卡通人物，既可发挥无限创意，又能传达绿色环保的健康理念。中意搞搞震嘅可乐君梗要凑下热闹，不过整小动物造型好似冇咩挑战性了，一于挑机整番只更高难度嘅“纸箱波鞋”！

　　

　　郭玮/文 陈祉伶/图

 

　　

　　纸盒“重生”创意多

　　

　　网上买买买好舒爽，但之后令人好头痕嘅除咗要“还卡数”，就係仲要处理方正又厚实嘅快递纸盒。将快递纸盒当垃圾掟咗，好似好大嘥，留低装嘢又用唔到咁多。日积月累，好多堆积嘅纸箱、纸盒，最终都係成咗废品。其实，只要花啲心思，呢啲纸盒就能“重获新生”，变成有趣嘅装饰品或者用品：打造进阶版宠物“狗”，或者做成报纸收纳箱；做成Color机器人版纸巾盒，可盐可甜；空置嘅鞋盒，仲可以变翻做鞋……快啲嚟发挥自己嘅小宇宙，谂谂纸盒仲可以点变身啦！

 

 

 

　　纸皮质感有“内涵”

　　

　　快递纸盒好多都係牛皮纸质，睇落粗糙、颜色单一，但正因为佢嘅原始味道，令到佢嘅可塑性更高。纸盒既可以好似白纸咁，只需要准备普通嘅文具剪刀、胶水、画笔or颜料，就任你裁剪、涂画、黏贴。同时，佢又够坚挺，折叠之后容易定型，令你可以制作造型丰富嘅艺术品。牛皮纸盒有一定厚度，撕开之后就会露出“夹心”嘅瓦楞纸，凹凸嘅结构自带质感，帮你嘅创作更有层次感。

 

 

 

　　

　开启“重生”模式

 

　　

　

　　

　　

　　1 制鞋底

　　

　　在纸箱上剪出鞋底形状，可以备多几份“鞋底”增加厚度，裁剪完就用胶水将佢哋对齐黐实。然后，再稍微修剪边缘，令鞋底线条更整齐流畅。

 

　　2 剪鞋身

　　

　　仿照波鞋款式，剪出内外鞋帮、鞋面及各种配饰件的大致形状，各种零件嘅大小、比例需要匹配好，其中，外帮大概係内帮嘅三分之一高度。

 

　　3 黐零件

　　

　　用胶水将各种零部件组装、固定，由于大部分零件固定时需要呈现曲面状态，可以提前多次弯曲纸皮，令佢变得比较柔软，更容易塑型。

 

　　4 戳鞋带窿

　　

　　加厚鞋身边缘，用锥子制作鞋带窿。如果有打孔机更好，可以根据鞋带的粗细，打出合适嘅鞋带窿，使用尖锐工具时要注意安全，千祈咪整亲手啊。

 

　　5 穿鞋带

　　

　　穿好鞋带后，再调整好鞋舌，纸皮波鞋嘅雏形就OK啦。贪靓嘅朋友仔，也可以继续用颜料、丝带等材料，继续美化波鞋嘅细节。

 

　　

　　6 成品

　　

　　贴士：纸鞋成型之后，可以根据自己嘅喜好，帮鞋仔上色、装饰，作为笔筒、杂物收纳盒，又或者just放喺台头做装饰，都会几别致。