涂毓麟：袅袅古乐中探斫琴

　

 　　 从去年开始，我哋设立咗“UP在湾区”栏目，让大家都中意的大湾区艺人、本地潮人做嘉宾，同大家一齐去认识、了解身边的非遗文化。参与其中的湾区艺人都觉得好有意思，原先只係想嚟睇明星的后生仔女，被“非遗”的魅力深深吸引咗，好多粉丝都话会期期追住睇。今期“UP在湾区”会带大家去香港！平时有玩开音乐的香港青年艺人涂毓麟，同我哋去探访古琴制作技艺传承人，体验古时文人墨客的怡情雅兴，old fashion都好过瘾嘎！

　　

　　郭玮/文 Color团队/图

 　　 

 

探斫琴起源

　　原来小小一架古琴嘅制作方式都好有讲究，循着袅袅琴声，我哋去一探究竟！

　　斫琴是将中国民族乐器——古琴进行精工细作的一种工艺技术。古琴是中国最古老的乐器，佢除咗係一种发声的媒介之外，更係一种视觉艺术。香港斫琴技艺起源于浙派琴家徐文镜，由“蔡福记”的蔡昌寿老师傅传承，蔡昌寿斫琴学会会长关嘉汇师傅，就係蔡老师最得意嘅徒弟啦，佢将同古琴斫琴技艺传承人蔡存美老师一起，向我们解读“斫琴九步”嘅关键与细节。

 

 

 

 

“斫琴九步”好精细

　　古琴喺两千多年前就已经存在，历史比古筝、二胡等大家经常听到的中式乐器都要长。喺晋朝嘅时候，有一幅画记录咗士大夫喺度制作古琴，而呢种手艺，由嗰时开始就被叫做“斫琴”啦。想要学习呢门手艺，最基本嘅门槛，就係要识得弹琴，因为只有足够了解琴，先至可以制作到一张唔容易硌手嘅琴出嚟。传统嘅斫琴可以归纳成九个步骤：寻，就係寻找适合斫琴嘅木头；下一步斫，就係用斧、锯等工具裁出琴的形状；而挖、镶、合、灰、磨、漆、弦等步骤，每一part都非常重要，缺一不可。如果遇到制作出嚟嘅成品有小瑕疵，仲需要增加一步“剖”，意思就係要拆开佢重新整过，成个过程细致又繁琐，稍有不慎仲可能前功尽弃，真係少啲心机都唔得噶。

 

 

 

 

 

“非遗”中汲取灵感

　　听完老师讲解斫琴手艺，Oscar嘅音乐DNA就狠狠骚动，话要跟老师学习一下哦。上漆嘅手法要轻，顺住一个方向操作，已经着色嘅位置就唔好重复……咁样上出嚟嘅漆面先可以均匀不厚重，虽然看似简单嘅一个小步骤，但Oscar都非常用心体验，蔡老师大赞佢有天赋。一把好嘅古琴，唔单止係一段美妙音符嘅载体，更係一种文化、一段历史嘅记载，斫琴技艺嘅传承，係精神嘅承传，更係责任嘅传递。探访完蔡老师，Oscar话得到咗新灵感，亦希望大家一起，继续关注非物质文化遗产，喺传统嘅基础上创新，玩出无限嘅非遗新创意。

 

 

 

Color提示：《UP在湾区·港见粤闻》会继续带大家学非遗、品美食、玩转非遗手艺，如果想知下次轮到边位大咖带大家搞搞新意思，记得关注我哋啦！