Get个“童时”靓look

　　过生日嘅时候，女仔最中意嘅祝福就是：年年十八岁！“仲记得早前嘅热播电视剧《童时爱上你》中，雷厉风行嘅女强人“雷紫彤”因为意外，导致智商回归8岁，变翻做可可爱爱嘅细路女。其实，我哋可以跟住剧中高海宁、糖妹嘅套路，在妆容、发型、服饰上下点功夫，童时靓look大家都可以秒get。

　　郭玮/文 　《童时爱上你》剧照/图

 

　　伪素颜

　　当雷紫彤做紧最top职场女强人嘅时候，眼神凌厉、红唇霸气；回归童心时，最大嘅转变就是妆容上转换成减龄显嫩嘅伪素颜，毕竟细蚊仔嘅皮肤咁好，根本唔需要化妆。伪素颜妆嘅要点清淡自然，清透干净的底妆，简单有神的眼妆，加上粉色系唇彩，就已经足够。底妆係关键，旨在打造小朋友一样白嫩无暇嘅肌肤质感，如果係好似高海宁咁属于圆面嘅朋友，可以尽情肆意放大圆面嘅优点，饱满自然、又水嘭嘭苹果肌，刷上淡淡腮红就会好显气色；如果係面型尖尖的朋友，可以加重腮红嘅用量，令视线聚焦点上移，视觉上缩短面长，更显后生。眼妆重点係突出眼中的神采，眼影弱化甚至不用，用眼线简单勾勒眼部线条，睫毛浓密但唔需要太纤长。淡粉色嘅唇彩一定要有，但不能厚，这将会係“童时”伪素颜妆的点睛之笔，提升整体妆容嘅完整度。

 

 

 

　　扎辫仔

　　唔同嘅发型可以展示唔同嘅气质。平时留住清爽短发嘅雷紫彤，中意将其中一边嘅头发绕到耳后，除咗方便自己做嘢之外，仲可以露出耳饰，令整体造型更干练。放下打工人的角色、回归童真嘅时候，彤彤就会把刘海附近嘅一小撮头发扎起，圆圆的脑袋加上小辫子，就会变成可爱嘅苹果头，自带一分稚气。如果头发够长，学“彤彤”嘅好姊妹“马来雅”咁扎孖辫，减龄效果更好，两边翘起嘅双马尾从视觉上缩窄面部，显面细同时仲显得好有活力添。丸子头同高马尾嘅减龄原理相似，重要嘅係要记得将鬓角、刘海嘅发丝拉松，自然碎落嘅头发可能令发型带有慵懒舒适嘅感觉。

 

 

 

 

　　粉到尽

　　黑白色係职场永远唔会出错嘅搭配，而粉色系则是小朋友世界的专属颜色。当彤彤回归童真嘅时候，便开始化身软糯小依赖，各种粉色、棉料材质嘅服装上身，会令人的性情加上柔化滤镜，温柔可爱立马就变成你的人设标签。粉红色显得乖巧又纯情，粉绿就显白亮肤色，粉紫醒目唔浮夸，粉蓝温馨又亲切感……无论T恤或是卫衣，都好悠闲易衬，忍唔住会想同你亲近。彤彤嘅宽松穿搭亦值得学习，这样可以弱化身材嘅线条，令形象更加少女一啲。