长大了，更要放肆地笑

策划：骆苹、曾敏妍

统筹：曾敏妍、郭玮

执行：郭玮、秦丽莹、吴雨晨、饶禧、陈祉伶

　　时光飞逝，我们不再是孩子。正如郑秀文嘅歌：“儿童有着儿童畏惧，成人都有成人唏嘘”，长大的我们肩负着越来越多的责任，承受着越来越大的压力，好难得可以放肆咁开心大笑。临近儿童节，可乐君特别策划一个带大家重拾童心嘅潮流专题，希望你亦能参与其中，可以揾翻无忧无虑的童趣，为未来的打拼重拾初心，鼓足干劲向前冲。

　　郭玮/文 　　Color团队/图

　　

 

　　童心不老

　　去公园蒲、同公仔玩、睇卡通片，可以话係我哋细细个最开心嘅娱乐。让我们一起重回童年，可乐君带大家去广州市内最大型嘅区级儿童公园，瀡滑梯、荡千秋、骑木马、玩泥沙，通过最简单的小游戏，感受最纯粹的快乐。曾经睇住《猫和老鼠》睇到定晒型，依家可以坐喺猫和老鼠的联名甜品店内hea 足一日。至于玩具同公仔，相信无论大人细路都啱key，只要童心未泯，随时向快乐出发。

 

 

 

　　幼稚不改

　　细个嘅时候，我哋总是怕人家话自己唔够成熟，但当自己长大后，我哋反而希望自己幼稚啲。转转风车、投币坐下哔咘车仔、拿办公用品嚟玩……小时候随手可得嘅快乐，到咗依家再玩，係咪会显得我哋好幼稚？再搭小火车，身边风光已经唔一样，再玩文具亦唔会俾人指责，心境唔同咗，意义都跟着改变。就等我哋放飞一下自己的幼稚吧！揾翻曾经自由自在、无忧无虑嘅自己，有时都係一种治愈心灵、释放压力嘅好方法。

 

 

 

　　心中有梦

　　小时候成日听阿妈话：调皮嘅细蚊仔，一定好聪明。原来，调皮都有好多种模式，今次我哋特别邀请永远年轻嘅糖妹，一同演绎奀皮细蚊仔嘅日常，甩绳马骝、哗鬼大叫、扭纹柴……你会係边款百厌星？睇样嘅话，化个减龄妆、穿一身粉嫩look，就可以尽情扮下大细路；随心嘅话，就要问问自己心中那团“火”，仲係唔係度？这一天天地过，有冇向住儿时的梦想去努力呢？齐天大圣、闪电侠、蜘蛛侠这些“英雄梦”，最近都“重启”了，你还在等什么呢？