幼稚游戏 玩极唔厌

　　无论几多岁，大家都会保留一份童心。好多小游戏，可能细蚊仔嘅时候玩到厌咗，但对工作忙碌、压力大嘅成年人，又谂翻起呢啲幼稚嘢，觉得佢哋好减压、超有趣。等我哋坐上童梦穿梭机，一起重拾儿时嘅游戏，重启无忧无虑嘅快乐啦！

　　郭玮/文 叶思玲/图

 

　　哆啦童梦

　　细细个睇《哆啦A梦》，会超级羡慕佢哋有“竹蜻蜓”，随时随地可以飞去心中所想的地方。童年的风车随风转，幼稚的孩童会相信，转转下个梦想就能够实现。长大的我们，内心一角还是坚守幼稚，唔愿放低已经变细嘅风车。迷你小风车只有发夹大细，夹在头上真係好似竹蜻蜓！夹一个就转去儿时的回忆中，唔过瘾就夹一排，迎风齐齐转起身，开启七彩无忧梦。两人PK，仲可以幻想自己成为新一代美少女战士，用头上的小风车互传心意，童趣无限多。有咗小风车加持，拗造型摆拍可以更加放肆，此时此刻嘅自己，就係细时候勇敢追梦嘅细路仔！

 

 

 

 

 

　　哔咘上车

　　每个小朋友都会有个“上车梦”。细细个跟住爹地妈咪出街，一见到商场门口嘅哔咘车，就唔肯走了。上车、投币、开走，一气呵成，伴奏有几响亮，情绪就有几高涨。原地高低起落款嘅车车，大多cos经典卡通形象，配色混乱、夸张变形，但无碍孩童对佢嘅喜爱；能自由驾驶嘅车款就更受欢迎，上车就觉得自己秒变藤原拓海，喺条路上狂飙。双人座可以同闺蜜分享快乐，就算细蚊仔size嘅座驾已经放唔落你对大长腿，相信你一样可以开心到傻笑。人长大了，难得这样放肆地笑，所以我哋就投币玩多几次啦！

 

 

 

 

　　复刻童年　　

　　路边嘅有轨小火车，係儿时嘅奢侈品，为咗能够坐上一转，可能要氹到妈咪好冧先有机会。大个之后，邀请三五好友一起再次搭上呢趟列车，身体几乎塞唔落车座，经典儿歌已经听到有啲厌了，短小嘅轨道依然精彩，童年里的这份开心，直到现在都会令人微微一笑。玩下路边免费的跷跷板，高高低低就如人生的经历，除咗放松心情，仲要多得有肯陪你一齐玩一齐癫嘅朋友。老师教嘅知识亦得到验证：俾一个支点你，就可以撬动地球。呢点简单嘅小游戏，点解可以玩极都唔厌？童年份的开心，就用佢哋嚟复刻吧。