班马有新job，为原创打call

　　  可乐生活融媒体直播间营业以来，已经搞过好多种节目啦，打工人变身、大明星专访、老友记玩游戏等，最近班马又多咗个新job——全新栏目“我为原创打call，busking PK赛”上线，首位参与者就係我哋嘅老友记Andy苏志尹。

　　  郭玮/文 秦丽莹/图

 

　　耳朵盛宴take action

　　致力于推动大湾区潮流文化发展嘅Color，储储埋埋一大班能歌善舞嘅艺人friend，得闲都中意同佢哋玩下估歌仔、一起唱下K咁。佢哋之中唔少人除咗样索声靓之外，连创作能力都好掂水，推出过深受大家欢迎嘅原创作品。近几年嚟，华语流行音乐影响力越来越大，我哋set定“我为原创打call，busking PK赛”，就係希望发掘到更多音乐人才，用原创音乐在舞台上唱响更多正能量。为咗吸引更多年轻人嚟报名，可乐君特意约埋自己嘅歌手朋友，为呢个得意又好玩嘅耳朵盛宴打call，用佢哋青春与满满朝气，通过原创音乐联动潮流，让更多人了解华语音乐、欣赏原创作品。

 

 

 

　　宝岛歌手有谂法

　　最近《声生不息·宝岛季》热播，经典又好听嘅宝岛音乐，勾起一波又一波嘅“回忆杀”。Andy就喺来自宝岛嘅原创歌手，可乐君第一时间安排佢上嚟倾音乐、玩音乐。作为一个土生土长嘅台湾人，Andy觉得嗰度嘅音乐好温馨，有一种家嘅感觉。佢特别拣咗一首《鱼仔》嚟代表自己心目中宝岛音乐嘅定位，普通话同闽南语交错嘅歌词，令佢谂起自己自细喺屋企，同家人就係咁样两种语言随意切换交流嘅，歌词中嘅“游来游去”，正正就係佢背井离乡到外地追梦嘅特写。经典歌曲代表方面，Andy就拣咗《月亮代表我的心》，呢首歌被好多人翻唱成好多个唔同嘅版本，Andy喺自己十八、十九岁情窦初开嘅时候，就自己改编咗呢只作品，喺开头加入咗rap嘅元素，藏着年轻人懵懂好奇嘅小心思，后半部分嘅演绎，就係充满佢个人特色嘅R&B唱腔，同原版嘅甜美风格比较，又係另一种新鲜感。

 

 

　　浪漫原创有段古

　　Andy一首《失重的眼泪》，喺《中国好声音2021》上，惊艳咗现场嘅嘉宾同观众。今次佢嚟到班马，Andy第一次讲起呢首原创作品背后嘅故事。原来喺偶然嘅机会，Andy突然知道自己嘅初恋，马上就要结婚了，比起伤感，佢感受到更多嘅係空虚，自己一个人静静咁，想喊又喊唔出，所以就创作咗呢首好有“失重感”嘅歌。每次唱起身嘅时候，Andy心里面都会酸酸哋，唔係撕心裂肺嘅伤心，而是漂浮喺宇宙空间里面的孤独感觉。最近，Andy推出咗新单曲《浅梦西域》，除咗延续佢一贯嘅R&B风格之外，仲有浓郁嘅异域风情，係一种新鲜奇妙嘅感觉。大家仲希望喺我哋“班马”“新栏目中，听到边个嘅靓声，见到边位的靓样咧？可以嚟“Color班马”微信公众留言俾我哋嘎！