翻挞“大头贴”

　　2023年就快过去，係时候影翻啲相做纪念。年少时人手一张嘅大头贴，近排再度风靡，成为最入屋嘅老友聚会心水节目！为咗令大家影出新意，依家嘅大头贴影相机，已经从街边搬入特别布置嘅小店。Color君搵到两间红彤彤嘅大头贴小屋，带你返去青春无忧嘅时光！

　　

　　黄译萱/文 饶禧/图 黄译萱、饶禧/模特

 

　　被爱包围嘅快乐

　　

　　唔知细细个嗰阵，你有冇嚟过北京路影大头贴？当年大头贴风靡广州，大街小巷尤其係北京路嘅大头贴相机就尤其多啦！为咗保留呢段回忆，店主同好姐妹翻到呢度，开咗间红黑色嘅复古小店，感觉好似穿越翻千禧年咁。

 

　　

　　开心玩冇烦恼

　　

　　店名中嘅“double7”来自于两位店主名中嘅“琪”字，佢哋由细玩到大，一个钟意大头贴、一个钟意拍立得，于是拍埋两人嘅爱好组成呢间“友情之店”。一抬头，整墙嘅拍立得和胶卷机出现喺你面前，其中一台经过改装嘅巨型宝丽来好独特，可以一次过弹出二宫格相片，其他地方都好难见到！呢度点解叫 “快乐屋”，答案就藏喺店铺嘅玻璃窗上。爱心画代表店主们嘅美好祝福，佢哋想将快乐、幸运、愉悦带俾大家，令大家忘记生活中嘅压力，沉浸喺影靓相嘅幸福中。

 

 

 

 

　　同最冧玩最爱

　　

　　店铺中仲有店主搜罗嘅公仔，其中最抢眼嘅就係“米奇老鼠墙”，红色嘅墙上挂满米奇老鼠插画，嚟到呢度可以带上米奇手套同朋友一齐打卡！店内嘅公仔和饰品任你拣，有啲得意、有啲夸张，够你搭配出唔同风格嘅look。拍大头贴过程中，闺蜜和情侣们互相拣道具帮对方扮靓靓，仲可以齐齐回忆童年，对未体验过大头贴嘅朋友仔来讲，都係放松嘅新方式。如果唔识点影，店员小姐姐会教你摆pose、帮你揿掣，让大家影到啱心水为止。等相片出炉之后，仲可以坐低用马克笔和贴纸“精装修”，将大头贴装饰得更加得意。

 

 

 

 

 

 

　　

　　

　　Double7's 快乐屋

　　地址：文明路80号文明门

　　营业时间：周一至周日13:30-20:30

　　我眼中嘅小苹果

　　

　　藏于晓港街巷嘅呢间小店，门口嘅大苹果超醒目，唔惊搵唔到！“眼中嘅苹果”喺英文中，有“冧住你”嘅意思，所以呢间充满爱意嘅苹果屋，好啱同心里挂住嘅best friend一齐来！

 

　　

　　“店主”自己做IP

　　

　　入到呢间温暖又惬意的小店里边，随处可见小苹果和小狗图案。墙上嘅七彩招牌就係小狗和小猫抱住个小苹果，就好似你同相亲相爱嘅friend咁。小狗作为“店主人”，自己嘅形象挂满墙面，特别係门槛、门帘上，佢和两位小伙伴排排坐，一齐迎接入店嘅顾客。苹果屋出品摆满咗货架，其中最hit嘅梗係苹果型嘅相框啦！影完大头贴，可以把照片放入相框，就可以攞住出去威啦！

 

 

 

 

 

　　

　　老古董“回忆杀”

　　

　　以前，影相设备冇现在普及，大头贴係好朋友们合影嘅最佳选择之一。呢间店完全保留咗以前大头贴嘅古早味道：机器係来自千禧年嘅老古董，外观会有啲残旧，低像素、无美颜滤镜、画质模糊等“缺点”，现在成为佢最大嘅特色；仲有上千款“非主流”相纸供大家选择，睇到都会觉“爷青回”！店内仲准备咗头戴耳机、黑框眼镜等道具，俾大家自由发挥。对消费者最为友好嘅係，店铺嘅机器影大头贴冇倒计时，仲可以随意攞道具喺店内打卡，让大家尽情享受影相时光。

　　

 

 

 

 

 

　　小狗的苹果屋

　　地址：晓港中马路6号106铺

　　营业时间：周一至周日15:00-19:00