“跨年”不眠夜

　　话咁快，2023年嚟到尾声，又係时候谂谂跨年夜的节目了。广州夜经济越来越活跃，可乐君帮大家准备一份“跨年不眠夜指南”，让大家带着满怀欢喜迈进新一年啦！

　　饶禧/文  官方网站、电影海报、饶禧/图

　　

 　　来源：广州长隆官方微博

　　派对狂欢

　　

　　无论你今年睇咗几多场show，跨年夜派对肯定会係最热闹的一场！今年广州有唔少商场、俱乐部、游乐园都已经宣布要搞“跨年夜”party。长隆特别设计咗“跨年夜场”，除咗可以N刷游乐场嘅机动game，感受肾上腺素飙升，仲有“大湾区跨年晚会”，一众明星同你一起迈入新的一年。年轻人夜蒲地MAO一样有“跨年狂欢派对”，现场有DJ派对、乐队演出、点灯许愿仪式，一连三场活动，让你嗨足成晚。场内设置咗影相区，加上当晚着到鬼火咁靓嘅你，准备好道具同补光灯，秒出跨年夜大片。开心就要唱歌，对热爱音乐嘅老友记，音乐趴就是最好嘅跨年方式。仲有唔少歌星嘅粉丝会自行抱团，在城中live house举办“歌迷跨年夜”，以歌会友，齐齐跨年。

 

 

　　打卡记录

　　

　　跨年夜想同朋友仔出去逛下，可以考虑下平时好少去的地标打卡点。广州塔、海心沙、北京路等地标都係唔错嘅选择，虽然冇官方大型倒数活动，不过景靓嘅地方肯定够热闹。想要满满的仪式感？可乐君已经帮大家做好一整天嘅plan！傍晚去太古仓，从日落到黄昏，影翻一辑落日大片；晚上登上夜游珠江，船在水中游，你在甲板上欣赏两岸景色；广州塔下人潮涌动，江风轻抚脸颊，到零点可以同人潮齐声倒数。今年，将在广州塔上300米的星空大厅举办“高空冥想&定力大赛”，太古仓的“太空间”有show睇，广州大剧院、友谊剧院会开新年音乐会……打卡时遇啱中意嘅活动，仲可以去join一下。

 

 

 　　北京路（来源：广州北京路步行街官网）

 

 

　　

　　开心睇戏

　　

　　睇电影都係好多朋友仔选择嘅跨年方式，特别是闺蜜或者情侣。今年“跨年档”有纯爱、奇幻、警匪、搞笑等不同题材的电影，点都可以拣到一场自己中意嘅类型，开开心心去睇戏！《一闪一闪亮晶晶》原班人马再续纯爱故事，先前剧中嘅“张万森，下雪了”，令大家都梦回后生暗恋同班同学嘅酸甜苦楚。呢次佢哋仲设计咗“专属告白、好久不见、星河运转”等主题电影场，其中最special嘅“下雪场”，现场会伴随漫天飞雪，唔单止可以身临其境咁感受电影嘅浪漫氛围，仲满足咗南方人爱飘雪嘅愿望。职场剧《年会不能停！》另辟蹊径，主打“发疯”主题，随心所欲、尽情吐槽，相信会令你好有共鸣。如果电影票的时间点、座位数字够特别嘅，一样可以影低作纪念，都是一份仪式感。