“Show名牌” Color独家制作

　　今年年初，可乐生活融媒体直播间（班马）启用，咪以为佢just用嚟做访谈咁简单，整嘢食、做手工、打功夫、玩游戏……喺好奇心重、玩性大嘅Color团队推动下，“班马”呢一年百变到飞起，好玩嘅、好吃嘅、好听嘅，都要带住艺人friend一齐疯狂试探，势要令来过“班马”打卡嘅艺人朋友都记忆深刻！

　　

　　郭玮/文  图/秦丽莹

 

 

　　越倾越有料

　　

　　可乐君咁受大家欢迎，原因之一就係日常玩后生仔女嘅潮嘢。其实时不时都会有啲资深前辈嚟同可乐君倾计，佢哋见多识广，会好似老师咁，经常将自己嘅经验share俾我哋，一场采访落嚟，真係受益匪浅。Beyond乐队鼓手叶世荣，成日将晚辈当成朋友仔，依家出嚟solo都话学紧点样面对更多观众；阮兆祥喺电视上搞怪无底线，但现实中超认真，中意去新的地方感受当地贴地文化，将所见所闻融入自己演绎；林盛斌俾人印象好鬼马，but投入工作嘅态度令人敬佩……呢啲业界前辈阅历多、人又nice，肯同我哋玩新嘢，难怪观众缘超好，能够同到佢哋做friend、得到佢哋嘅签名，相信大家都觉得收获良多。上次阿Bob林盛斌嚟搵我哋玩，仲静鸡鸡“挞”走咗几张签名卡，喺自己直播嘅时候晒出嚟帮我哋宣传，可见啲“名牌”几掂水啦！

 

 

 

 

 

 

 

　　Friend到要打band

　　

　　关注“可乐生活”嘅朋友仔都知道，我哋同艺人朋友真係friend到可以夹band。同刘浩龙去逛街、撑抬脚、学历史故事，date足一整天 ；啱啱荣升爹地嘅阿Ben袁伟豪，仔仔劲得意，早喺公布太太有BB时，就嚟同“工具人”可乐君·牛牛“实操”抱B嘅感觉；江海迦忙住开show，都抽时间过嚟同我哋整饼，仲不忘揿上“爱的烙印”；胡鸿钧同我哋有几friend应该唔使多讲，演CP、唱歌仔、玩游戏、倾密计，咩事都唔会托手踭……唔怕话埋俾大家知，鸿钧係第一个拥有两款签名卡嘅朋友，张张都咁磢镜，唔知储齐晒係米可以大叫三声“石敢当”，召唤佢出嚟咧？

 

 

 

 

 

 

 

 

　　

　　

　　睇签名get团魂

　　

　　Team work对每个团队嚟讲都好重要，Color团队经常同明星拍档做事，都从佢哋身上见到好多团魂炸裂嘅moment。很久不见Dear Jane，我哋Color小分队专登去到香港，同佢哋嚟咗个“亲密接触”，讲烂gag可以笑到晕，食柠檬又觉得甜，平时chok爆嘅佢哋，仲热情推介港饮港食，一到签名就知道边个係乐队揸fit人。农夫签约内地公司后长居广州，过嚟Color大本营玩，连隔离睇热闹嘅清洁阿姨都受邀齐齐出镜，两人鬼鬼马马氹到大家劲开心，睇返佢哋签名，就get到佢哋嘅分工同合拍。正所谓字如其人，Color签名卡有艺人现场独家亲签，大家仲可以从签名睇到佢哋嘅个性，“名牌”嘅含金量直接upgrade。

 

 

 

 

　　

　　Play with Color

　　Well，福利随时掉落！即日起至12月31日前，手持2023年任意一期Color影张靓相，喺新浪微博@可乐生活Color，并留言讲下你最冧对边位艺人friend，就有机会获得你中意嘅艺人签名卡啦！