环保嘉年华 玩转绿美style

　　人与自然是生命共同体，大家都要好好保护我哋嘅生态环境。11月18日，在羊城创意产业园就举办咗“碳”索新未来环保嘉年华，追求环保、热爱自然的朋友仔齐齐过来开趴！大家可以玩垃圾分类游戏，打卡可爱的表情包印章，仲可以将原创手工作品带回家……Color君马上带大家睇睇当日嘅盛况。

　　

　　黄译萱/文 主办方、黄译萱/图

 

　　玩小游戏学新知

　　

　　咪睇小朋友年纪轻，在践行绿色低碳生活方式、推动生态环境保护方面，佢哋一样好出力噶！喺“碳”索新未来环保嘉年华市集周围，可以见到他们参加第十届广东省少年环保创意大赛的作品。在市集中最受欢迎嘅摊位之一，係好玩又有挑战嘅“绿美永和”摊位，越秀区关心社会工作服务中心给小朋友设定了关于垃圾分类的小游戏，啱开摊冇几耐，摊位就被小朋友包围啦！四个细细个嘅分类垃圾桶好得意，不过玩游戏时想要选啱兼掟中，就好考脑力和手势。唔少小朋友对垃圾分类都好熟悉，速速通关；还在读幼儿园的萌童都想玩游戏？几位志愿者小姐姐“大手拉小手”，带住佢哋沉浸式学习，在游戏当中学到环保小知识，提高保护环境和生态嘅意识。成功通关嘅朋友，就可以攞住打卡手册来搵Color君集印章，并获赠小礼物。冇谂到大家咁冧Color，当天将Color君团团围住，仲有小粉丝专门攞个簿仔来收集Color表情包印章！

 

 

 

 

　　自然之美多面睇

　　

　　参与“碳”索新未来环保嘉年华的摊主们，早早就摆好佢哋最靓仔嘅原创精品，等住大家来寻宝。今次市集喺智酷车间门前嘅小广场，背靠绿意盎然嘅小花园，一入场就被成片绿色治愈。摊主们都是各有法宝的手工艺人，市集中卖的都係佢哋原创嘅作品，为了这次环保主题，摊主们还精心拣选带有自然元素嘅得意之作，用串珠、钩织、手绘、绕丝等方式表现，充满创意，亦表达佢哋支持环保的心意。花草竹编包包和鲜花昆虫耳环，带你进入鸟语花香的世界；一针一线制作的钩织公仔，软糯呆萌，摆埋一齐就好似小动物排排坐聚会；金鱼仔嘅“出镜率”都好高，团扇上画的金鱼肥嘟嘟，用金属细丝绕出来的小金鱼灵动精致，真係令人犯上选择困难症！呢啲独具巧思嘅小手作，以有趣的形态体现了自然之美，亦令大家更加向往自然、热爱自然。来逛市集的朋友，除咗可以欣赏自然之美，仲可以发挥创意，自己喐手串珠链、画蝴蝶，静下来探索自己心中嘅美丽自然！

 

 

 

 

 

 

 

　　叻仔叻女撑环保

　　

　　市集现场人头攒动，好多热爱自然、热爱环保的大小朋友，都来支持我哋这次的市集活动。门口嘅畅想画作好新颖，唔少人经过都停低欣赏；市集上得意嘅手作，都吸引咗唔少散步经过嘅朋友入来打卡；广府文化推广大使、大赛宣传形象大使张弛先生都现身助力，向大家传递“广式”环保理念。在市集的人群中，Color君仲见到我哋嘅friend陈镜淳，呢次佢来撑我哋嘅低碳嘉年华活动，候场的时候就来逛市集，仲对我哋嘅印章爱不释手，而且表情包里面嘅粤语词汇佢统统都识，不愧为讲古界新星！好多小朋友仲对呢啲词好陌生，Color君嗱嗱临开设“粤语课堂”，即场教大家认识一啲日常用嘅粤语词。“叻叻猪”呢个词真係好应景，好适合用来形容呢班建设绿美广东嘅小朋友；啱啱学识“得闲饮茶”嘅小朋友，已经识用佢来互相打招呼，顺手就去旁边摊位买咗杯手打柠檬茶！喺呢个意义非凡嘅市集中，大家通过玩游戏、逛市集，对环保又有咗新嘅认识！

 

 

 

 

 

　　特别鸣谢

　　指导单位：广东省生态环境厅、共青团广东省委员会

　　主办单位：广东省环境保护宣教中心、广东省志愿者行动指导中心、羊城晚报社、广州市环境保护宣教中心