同过去bye bye 向未来say hi

　　过埋呢个月，就到新一年啦！你係唔係做埋少少嘢，就可以摊唞下？粤语中嘅“埋”，除了掩盖，还有靠近、完成、整理的意思。Color君嘅good friend胡鸿钧，今年顺利完成咗巡回演唱会，亦签约新公司开启新嘅音乐旅程，目标完成得差唔多啦！所以，佢今次想分享嘅盏鬼粤语，全部同“埋”有关，因为要完成之前嘅目标，先可以好好同过去say goodbye，更好地迎接未来。

　　

　　郭玮/文  秦丽莹/图  胡鸿钧、郭玮/模特

 

　　拉埋天窗

　　

　　laai1 maai4 tin1 coeng1

　　

　　年底好日子多，好多人都会拉埋天窗——粤语中呢个词就係指结婚。广州旧时嘅西关大屋，会喺靠近屋顶嘅地方添置一个小天窗，用作通风、透光。新婚夫妇亲昵、休息时，习惯关好包括天窗在内嘅所有门窗，久而久之，“拉埋天窗”成咗结婚的代名词。到咗现代，更新增咗隐藏的恋爱关系对外公开之意。

　　造句：等咗咁耐，阿嚣同佢个女朋友终于结束爱情长跑，顺利拉埋天窗啦！

 

　　埋年

　　

　　maai4 nin4

　　

　　“埋年”原意係年迈、年老，係粤语中，埋年亦可以指接近年底。又因为“埋”有整理、结算嘅含义，例如商贩收铺前结算一日嘅生意额，可以叫做“埋数”，所以“埋年”又可以特指做生意者年终结算。

　　造句：埋年发现牛牛嘅部门业绩最好，老细梗係要颁翻个“好员工”奖俾佢哋啦。

 

　　埋单

　　

　　maai4 dan1

　　

　　“埋单”由“买单”引申而来，浅层意思就係结账。广州嘅餐饮食肆，有先食后结账嘅习惯，因此服务员会将顾客消费咗嘅数额预先“埋好”，避免客人结账时等计数嘅尴尬；仲有一种说法係，好客嘅广府人唔希望客人抢着结账，会先将账单藏起来。所以，买单写成了“埋单”，将整理、隐藏两个意思融入其中。

　　造句：鸿钧仔真係劲客气，次次食饭都抢住埋单。

 

　　

　　埋栏

　　

　　maai4 laan1

　　

　　“埋”喺粤语中有组合、聚会的意思，“埋栏”呢个词则有相投契、合拍之意。如果评价两个人“倾唔埋栏”，就指两人意见不同，难以沟通。“栏”通常指圈养家畜的栏厩，试想一下，如果唔同类的家畜混在一起，就会好似鸡同鸭讲咁难以沟通。

　　造句：牛牛同熊熊平时咁有默契，埋栏做生意一定风生水起。

 

　　

　　埋位

　　

　　maai4 wai2

　　

　　“埋位”本身係入席就坐嘅意思，又可以称作“埋席”；喺粤剧舞台上，扮演官员或将帅嘅演员，会喺饰演手下嘅演员站好台之后，上场并走到舞台前面正中扎架之后，再走向台中的椅子，表示自己已经登台，呢个过程叫做埋位。因此，喺演艺术语中，“埋位”係就位、开始嘅意思。

　　造句：虽然小明平时比较懒散，但翻工时只要一埋位，佢就会即刻沉迷工作。

 

　　埋堆

　　

　　maai4 deoi1

　　

　　“埋堆”意为融入某种类别的人群中、圈子里。通常係人们因为某种利益、爱好而相聚，互相关心、互相帮助、分享同好。在现代，埋堆亦有“扎堆”嘅意思，多人聚集，有群体起哄做某件事之意。

　　造句：正所谓“近朱者赤，近墨者黑”，多啲同优秀嘅人埋堆，自己都容易变得优秀。