何依婷：忠于自己，突破自己

　　近期热播电视剧《新闻女王》啱啱完结，里面嘅女主播“徐晓薇”由懦弱怕事到敢作敢为，不断改变，不断成长，令观众看到佢嘅蜕变。今期Color君请嚟“新闻女王”，听佢播报一则独家故事。下面有请Prime Time News女主播—Regina何依婷。

　　

　　郭玮/文  受访者提供/图

 

　　

　　成为“徐晓薇”

　　

　　由2017年嘅香港小姐亚军，到《十月初五的月光》嘅“祝君好”，再到今时今日《新闻女王》里嘅主播，何依婷由“女孩”变身“女主”，最近更成为大家关注的“女王”。为咗演好“徐晓薇”，成为“徐晓薇”，Regina特意改变自己的说话节奏、情绪表达，除咗提前睇过好多相关嘅电影，佢仲同有此类困扰嘅朋友倾过计，努力用一种低能量嘅感觉嚟演绎呢个“有情绪病”嘅角色，这确实係佢嘅一次新挑战。同所有睇过《新闻女王》嘅观众一样，Regina觉得剧中的“文慧心”係最juicy嘅角色，有魅力又有能力，仲係一个有情有义嘅前辈，係值得大家崇拜嘅人物。而倾到自己饰演嘅“徐晓薇”，Regina话会打70分，佢觉得“徐晓薇”啱出场时有啲坏、有少少蠢，好彩到咗后面佢慢慢成长，有咗人生嘅觉悟，因此呢个分数係值得嘅。

 

 

 

 

 

　　

　　清醒做自己

　　

　　何依婷出道已经6年，虽然时间不算长，但饰演过嘅经典角色已有好几个了。Regina话人生有好多可能性，但呢个moment，佢就係何依婷。慢慢长大，Regina发现忠于自己好紧要，佢习惯拥抱自己嘅所有优缺点，不随便被外界嘅声音或者意见影响到自己，追随自己嘅初心，尽力而为。每个角色对佢嚟讲都係一个挑战，每次嘅演出亦係一段学习成长的过程，佢可以好似“徐晓薇”咁慢慢探索与学习，不断进步，最终搵到自己嘅价值；但佢绝不会好似“徐晓薇”咁压抑自己，有压力就瞓一觉，佢话：“我係个好开心嘅人，好中意笑，有压力瞓醒一觉就冇事噶啦！”最近Regina仲中意喺得闲嘅时候，打打高尔夫、做个普拉提，因为运动一下人就会开心啲。

 

 

 

 

　　

　　

　　期望新突破

　　

　　前段时间，何依婷无预警晒婚纱靓照、派饼，为新的身份做紧准备。2023年压轴登场嘅呢件喜事，係佢今年嘅to do list中最后一个大project啦，年初定下的目标，努力咗一年已经完成晒了，讲到呢度Regina亦忍唔住笑出声，可乐君都feel到佢心里面嘅甜蜜。喺未知的2024年，Regina希望自己可以继续拍多啲好作品，被观众见到佢不同嘅可能性，更希望突破自我，创造另一个“徐晓薇”嘅神话。新一年即将到来，等我哋一齐期待全新嘅何依婷，睇佢会带咩惊喜俾我哋啦。