去年中秋《还是觉得你最好》上线，“五餐饭”将一家人嘅爱恨情仇诠释得明明白白。时隔两年，导演陈咏燊再接再厉，推出《还是觉得你最好2》，今次除咗演员阵容升呢，剧情都全面upgrade……一开年，我哋Color观影团就抢先出动，开团带大家新年睇新戏。新一年，电影再次创新，希望Color都可以令你由衷讲句：还是觉得你最好。
郭玮/文 电影方提供/图
更架势
《还是觉得你最好2》邀请罗兰、胡枫、米雪等一班老戏骨出演，佢哋嘅精湛演技令原本就精彩嘅剧情更加好戏。资深前辈助阵令阵容upgrade，连剧中嘅角色人设都晋升。电影中饰演喵喵的林明祯，今次就挑战全粤语对白，爆出咗“十分钟係两个字”“广东话真的好难难”等金句；仲有邓丽欣扮演嘅Monica，一句“我唔相信婚姻，但我相信你”全片主旨即刻升华，被誉为“教科书式恋爱态度”……电影通过三场婚礼，用轻松又温馨嘅方式，表达兄弟姊妹间血浓于水的亲情、轰轰烈烈的爱、难舍难分的情、坚持到底的原则，令泪点不至于太伤感，欢笑中又有感悟，唔少观众喺睇过电影之后，都大赞《还是觉得你最好2》比第一部更精彩。
更成熟
影片中王莞之饰演嘅“猪猪”，由第一部just家庭小煮妇，成长为续集中，可以烹饪大型晚宴嘅主厨，而令佢迅速成长起来嘅，係佢对自己外婆深深的爱。喺电影中，“猪猪”敢爱敢恨，勇敢地追求自己嘅幸福，莞之讲起都觉得自愧不如，话自己同“猪猪”比，仲係会有少少顾忌，未能好似佢咁义无反顾。旧年，王莞之举行咗自己嘅内地巡演，佢承认唱歌係自己嘅核心，但佢觉得自己有更多可能性，对于演戏、主持呢类“表演艺术”，都抱有同样嘅尊重，并付诸同样嘅心机去不断学习。莞之特别献唱咗《还是觉得你最好2》嘅主题曲《我们曾经白头到老》，同第一部主题曲摇滚式嘅演绎有好大唔同，更贴合新电影嘅感觉，同时又集合咗电影中所有元素。菀之深感荣幸，非常感恩导演畀佢呢次机会。
更负责
由于剧情设定，“大哥”远赴海外，未能尽到照顾家庭嘅责任，而“二佬”陈礼就“被迫”成为一家之主撑起成头家。佢嘅扮演者张继聪话，除咗自己嘅责任变重，其实每一位家庭成员都迅速成长，为呢个家付出咗自己嘅心血。讲到印象最深刻嘅场景，继聪话，係自己穿起西装，对住爱人讲结婚誓词嘅moment。因为佢谂起，现实中嘅自己都曾经讲过一模一样嘅说话，再讲一次嘅时候十分感慨，庆幸自己家庭美满，能够兑现自己承诺嘅誓言。作为艺人，张继聪坦言对于演戏同唱歌，好难讲中意边样多啲，因为演员or歌手嘅身份，对佢嚟讲就好似咸、甜两种口味嘅关系 ，两者相辅相成。当然佢都希望可以做到最好，令观众喜欢。
