转眼又到浪漫春季，好多品牌都相继推出“粉色限定”饮品，各式各样嘅pink元素令人少女心爆棚，Color团队今期一口气买嗮近排最hit嘅粉色饮品，嚟个饮品大测评，睇睇边款既有高颜值，又有好味道啦！
饶禧/文 黄译萱/图 郭玮/模特
高颜值
粉色包装自带浪漫氛围感，至冧少女心。
库迪“粉椰系列”梦幻透亮的浅粉look，肉眼可见的啵啵小料，颜值上已经赢嗮，成功狙击在场的Color测评人。马蹄爆珠同清爽椰子水搭配，清爽又解腻，一啖入口仿佛有“初恋”的味道。“粉椰嘟嘟”係将椰子水同粉椰水混合，双重椰味更浓郁，而“粉椰啵啵”就品如其名加入小料啵啵，饮起来口感更丰富。两款颜值不相伯仲，成功当选当日的人气王。
星巴克“可甜草莓生咖”这款樱花新品“可甜草莓生咖”，经典浪漫的粉白搭配，纯白的奶沫顶，可以感受到满满的春日气息，底部係粒粒草莓果肉，令你搵翻一颗少女心。初入口有阵阵椰香味，随后酸酸甜甜的草莓果酱味涌上心头，不过咖啡味似乎“隐藏”咗啲，味道更似草莓味优酸乳，钟意酸甜口味嘅朋友可以大胆入手。
粉椰系列
可甜草莓生咖
口感正
“始于颜值，忠于口味”。尽管靓靓的外表可以吸引唔少人，但口感始终係一款人气饮品的首要条件。
茶救星球“草莓白巧米麻薯”经典款今季返场，草莓奶加入“小心思”白朱古力，奶香口感更加醇厚丝滑，草莓香同巧克力香交错，但又唔会太甜腻，香糯拉丝的米麻薯劲饱肚，饮落满足感拉满。
喜茶“清爽芭乐葡”喜茶的水果茶有口皆碑，今期芭乐果茶系列回归，加入葡萄冻升呢成“清爽芭乐葡”，让原本清爽的果茶口味多咗春日水果嘅加持。美中不足嘅係，一路用开真材实料嘅喜茶，呢款果茶入口会饮到葡萄皮的涩味。除咗经典老款的味道有保证，我哋仲可以diy最适合自己嘅pink味道。
茶百道“粉月光”近排超hit，就係网友自制嘅隐藏款，草莓奶冻加上脆啵啵，选择灵魂五分甜，入口有淡淡清香。粉嫩的奶茶，再加上嫩滑草莓奶冻，有种“初恋白月光归国”嘅感觉，春日打卡饮品仲唔非佢莫属。
草莓白巧米麻薯
粉月光
清爽芭乐葡
性价比
当有颜值有实力嘅饮品越来越贵时，hold得住价格嘅靓靓pink饮品，就成为大家嘅首选啦！
瑞幸“珞咖樱花拿铁”玩咗成年“9.9元大战”的瑞幸，最近就推出咗“珞咖樱花拿铁”，成为今次全场唯一一杯樱花味道嘅粉色咖啡。经典嘅雪顶顶层同浓缩咖啡，加入咗樱花糖浆。不过樱花味道稍淡，搅匀后就係千篇一律嘅甜茶咖啡味，粉嫩颜值更胜于味道。
一点点“蔓越莓奶绿”出场即巅峰，蔓越莓糖浆沿着杯边流下，同粉奶绿形成分层，高颜值影相轻松出大片。入口係酸甜浓郁嘅果酱味，越往后味道越偏向茶味。担心果酱太腻的朋友，可以将茶底换成乌龙或者四季春茶，饮起来味道会更清新。
蜜雪冰城“草莓椰奶露”“雪王”蜜雪冰城新推出的“草莓椰奶露”加咗脆啵啵后，竟然都唔使10蚊，不愧为性价比之王。一啖入口好似搵翻童年最中意嗰杯草莓酸奶嘅味道，借着脆啵啵的嚼劲过下口瘾，又可以满足“寂寞的嘴巴”，心情都靓嗮啦。
珞咖樱花拿铁
蔓越莓奶绿
