大家平时睇电影煲剧就多了，有冇谂过要变身“戏中人”？唔使去到电影城，原来广州就有好多适合入戏嘅“剧场”！趁住天气好，可乐君同大家去到广州市文化馆新馆同《七十二家房客》拍摄地打卡，沉浸式过一铺戏瘾！
郭玮/文、图
格格剧本：摆驾回宫
一览江山够架势
再现岭南水乡园林美景嘅广州市文化馆新馆，设有多个主题园林，以竹造景、随山而起嘅翰墨园，别致湖景的曲艺园，突出广府味、展示非遗嘅广绣园等，每个园区都有宏伟嘅主楼，置身其中令人有穿越时空的感觉，体验到传统审美经久不衰的魅力。嚟呢度打卡时，换上清朝服装可以升呢格格，穿战国袍则气势惊艳，无论喺亭台楼阁摆拍，定係建筑群中起舞，都特别出片。位于文化馆主入口处嘅公共文化中心，每层展示不同朝代的特色文物，每层外围的观景台更能鸟瞰广州城区美景，令你有“一览众山小”嘅心旷神怡。
复古门窗惊喜多
漫步在文化馆的园林中，可乐君仲发现唔少适合特写摆拍嘅小惊喜。层层叠叠嘅门框，造景似画报；扇形窗、十字窗，影相时能成为复古相框；古朴嘅木门有经典兽头门环；角落无心栽种却惊喜生长的小花苗……只要细心观察，会发现园区里面好多适合打卡的景致。在此，可乐君温馨提醒大家，虽然园区很大，但是里面暂未有售卖食物的商店，建议大家自备干粮，用餐后处理好果皮垃圾，游玩期间注意文明参观。
平民剧本：勤劳致富
亲切贴地烟火气
经典粤语电视剧《七十二家房客》主要讲述民国时期，广州西关太平街七十二家大院中，房客与房东之间斗智斗勇嘅日常，以及甜酸苦辣嘅人生百态，既鬼马又励志。旧年，这部剧嘅拍摄地对外开放，即刻升呢为广州人嘅“环球影城”，大家喺入面既寻回老广嘅回忆，又可以过足戏瘾。老西关趟拢门、骑楼 、传统竹升面摊、鸡公模型，全部都係陪伴大家长大的童年回忆。在“茶楼”里叹茶食包 、“丽都夜总会”里歌舞升平，去“瑞记洗衣店”车衫做旗袍，去“金医生诊所”执剂祛湿凉茶，去“蔡祝行小食摊”睇人来人往……喺呢个民国风嘅岭南街道场景中 ，你可以去不同场景里，变身《七十二家》嘅角色，复刻电视剧嘅剧情，刁难任性撒泼、鬼鼠狡猾扮嘢、勤劳努力向上，无论点影都十分经典。呢度嘅场景贴地、市井，大家可以穿着大地色系服饰来摆拍，同场景劲match，当然，如果想变身霸气傲娇“包租婆”，咁就要穿贵气花俏嘅旗袍啦。
随手发挥创意足
手扎竹扫把、破旧草帽、蔬菜摊档上的腊肉瓜果……拍摄地里所有道具都可以供大家把玩摆拍，帮你沉浸式体验《七十二家房客》嘅市井味道，有咁多道具，拍片时摆pose都特别自然。煲猪脚姜必备嘅沙煲、渌面必备嘅漏汤壳、掌柜人手一把嘅算盘，当年街巷商业繁荣丰富嘅画面浮现眼前；硬板床嘅绣花枕头、梳妆台必备嘅经典花露水，小市民对精致生活嘅追求原来一直冇变。Color君温馨提醒大家，拍摄地空间密闭，虽然有大风扇通风，但是遇上燥热嘅天气时，游览亦要饮多啲水以防中暑，有心去打卡嘅朋友建议早上前往，人少啲场地都会显得更宽敞。
