最近，热播剧《婚后事》嘅女主角Yoyo陈自瑶，嚟到广州专门搵可乐君玩。我哋就决定带佢去游下充满生命力嘅晓西社区，来一场Color walk！晓西社区经过改造后，成为好多潮人打卡游玩的好去处，社区入面有好多好玩又带古早味嘅地方，令我哋重拾过去嘅美好时光。
郭玮/文 秦丽莹/图
吃喝：古早味
喺晓西社区，你嘅味蕾可以最快搵翻儿时嘅味道。传统的鸡蛋仔，甜而不腻，稍微烤脆的蛋边焦脆香口；清甜爽口的椰子冻，里面係纯天然无添加的椰汁，一啖解渴、透心舒畅。新派的罐罐烤奶，用旧式嘅沙煲来煮养生药材同鲜奶，打造出适合潮人口味嘅复古新时尚。甜品类食到足，我哋转个channel，试下惹味浓郁嘅牛杂、滑嫩多料嘅肠粉、软糯油香嘅糯米饭......呢啲家庭作坊式的食肆，已经开咗十几年，佢哋的出品一直传承至今，十足嘅古早味道，直击你嘅内心。Yoyo话自己平时都好中意街头小食，每次食嘅时候都会谂翻起细细个，跟住爹地妈咪“扫街”食嘢嘅快乐时光。
玩乐：古董级
贴纸相店门口经典嘅苹果门，近两年翻新重置咗，更立体、更鲜艳、打卡更出片。入去影翻辑复古大头贴，仲偶遇到“古董”级别嘅小道具：转盘拨号电话、经典卡通公仔头套，甚至连贴纸相机都係最经典易操作嘅款式。去旧物仓，可以见到旧式嘅公仔；喺菲林店，惊喜地见到买少见少嘅菲林，仲有经典嘅莱卡相机、即影即有相机等，从佢哋嘅划痕中仿佛可以读到佢嘅故事。Yoyo对色彩缤纷嘅旧式玩具情有独钟，拿在手中把玩时会忍唔住微笑，大概係勾起咗佢儿时玩乐嘅开心回忆。
行走：找初心
得意嘅小店有咁多，你觉得好难选？Just漫步幽静的小区都好有意思，简单嘅线条涂鸦、缤纷嘅卡通手绘、由墙壁蔓延至未开启店门的画作，统统都係打卡、出片嘅靓靓背景，慢慢行慢慢放松，帮你搵返对身边事物嘅好奇心，振作起来、开始新旅程嘅上进心。Yoyo话《婚后事》啱啱开拍时，自己其实好大压力，舒缓压力嘅方式之一，就係一个人嚟个city walk，睇睇街景、吹吹风，人就会慢慢relax。
扮靓：古时尚
晓西社区里面有好多古着店，每间都有自己嘅风格，每件古着都係独一无二嘅。喺门口有车厘子装饰嘅呢间小店，我哋就睇中咗鬼马少女嘅连衣裙，中意森系嘅朋友，可以选带有蕾丝花边或者碎花图案嘅款式。除咗复古靓衫吸睛外，同店通常都会有差唔多风格的首饰可以搭配，精致、神秘、另类嘅，款式多到令人目不暇接。当女孩子试衫shopping嘅时候，男仔就可以去到男士专门嘅理发店，感受一次最传统嘅美发服务，复古男士发廊嘅装备都好齐全，一坐低好似即刻穿越翻旧时光。Yoyo经过橱窗嘅时候，都忍唔住眺望橱窗，感受一下复古时尚嘅魅力。
