隧道之旅，带你探秘“地下工程”

　　

　　国内首座隧道博物馆开咗喺广州南沙，前段时间正式对公众开放啦！隧道给人深不可测嘅感觉，嚟到呢个博物馆，大家可以了解到好多关于隧道嘅知识，仲可以见到“地下工程”鲜为人知嘅小秘密，快啲跟住Color君穿隧道啦！

　　郭玮/文  黄译萱/图

　　

 

　　钢铁“英雄”

　　喺博物馆门口，就有一座模拟掘进盾构机造型的研学中心，佢嘅刀盘係承建深圳妈湾跨海通道工程嘅盾构机组件，彩绘上红黄搭配嘅龙图腾后，宛如一条破土而出、昂首向上的巨龙，寓意我哋国家隧道精神坚毅前行嘅气势。“隧道侠”屹立喺博物馆正门外，象征责任与使命，同隧道人无畏困难嘅精神。佢嘅左臂係盾构机，右手係掘进机嘅钻头，其他身体部位均由修建隧道时用到的机械零件组装而成，造型令观众为之感叹。展厅内仲有各种工程机件展示，身上的斑斑锈迹亦係为国家工程贡献嘅勋章。展品有曾经“征战沙场”嘅实物，亦有1:1还原嘅仿制品，钢铁造型硬朗结实，承载嘅故事励志动人，就好似一个个凯旋归来的英雄，向大家展示丰功伟绩。

 

 

 

 

　　实景“乐园”

　　隧道博物馆分为几个展区，每个展区都会根据自己嘅主题设计空间布局，等大家沉浸式感受到隧道实景。入场会先经过综述馆，可以了解隧道啲功能。喺度仲会有一列仿真火车，揾啱角度，有《哈利波特》九又四分之三站台嘅即视感。陈列馆按隧道发展时代分区：古代隧道区域有草棚、挖矿车、透明玻璃麻石路等布置，还原当时挖掘隧道嘅场景，会有回到过去嘅错觉；大国重器陈列馆有一架极其有气势嘅盾构机，近距离同佢对话，阅读内部每一个组建，听佢讲述有关中国隧道嘅故事；而沉浸式体验区就有5D影院、地质灾难体验等，可以亲身感受下。隧道博物馆整体嘅空间结构都同真实嘅隧道好似，喺隧道中学习隧道知识，别有一番趣味。

 

 

 

 

　　知识“海洋”

　　博物馆内每件展品、每套模型，都会有专属嘅内容介绍，唔少仲标明精准嘅数据，等大家感受到呢项工程嘅恢弘。除咗详尽嘅图文介绍之外，裸眼3D嘅动画展示，可以令对隧道工程感兴趣嘅观众，更加直观咁“睇”到隧道嘅挖掘方式、建造过程。互动小游戏，趣味知识问答、立体建模模拟系统等互动方式，令参与者仿佛化身隧道工程师，亲身参与隧道建设。展馆内仲有好多影片、动画解说隧道知识，一趟隧道之旅保证令你大开眼界。

 

 

 

 

　　Color提醒：

　　隧道博物馆逢周一闭馆，要前往参观嘅朋友，可以提前喺公众号上登记，届时凭身份证入场。展厅内大部分展品放在玻璃展示柜内展示，大家参观时记得照看好小朋友，切勿攀爬、拍打展柜而酿成危险。