“华安楼”：电力爆棚

　　

　　

　　新年想充满power，咁就要去超有“能量”嘅地方玩啦！位于广州传统中轴线上嘅华安楼，现在活化成广州电力展示馆，呢度曾经係广州电力生产调度、科研同管理嘅“心脏地带”，被誉为“电力祖屋”。最近，呢度开放咗个人参观预约通道，方便街坊老友记去了解电力发展嘅故事，开启“电力十足”嘅玩乐模式！

　　

　　

　　

　　

　　展开“充电”之旅

　　

　　电力展示馆足足有7层楼，每层会分类放置关于广州电力嘅文物、文献。第一代带电作业工作服、第一张电费纸质单、第一代电费标准、电力行业第一位女维修工嘅故事……让带你见证广州电力发展初期嘅艰辛与拼搏精神。西电东送嘅模拟沙盘、各类发电站运作模式演示、电网改造后居民嘅幸福生活场景……向我哋展示电力工程嘅华丽升级、电力事业嘅蓬勃发展。馆内珍藏咗各种罕见旧物、原始文献，真实记录住“电”从无到有、从稀缺到普遍嘅过程，精致嘅微缩模型，将抽象嘅电力原理变成肉眼可见嘅实物，既直观又有趣。馆内唔少地方都设有电视屏幕，播放对应文物嘅使用方式或者係电力行业相关嘅纪录片，等大家可以边逛边学，好容易会记得各种电力故事，参观完大脑亦“充电”成功！

　　

　　

　　打开电力“宝箱”

　　

　　华安楼建于1936年，如今改造成电力展示馆，仍保留着超多旧日嘅“独家记忆”。大门口的圆拱玻璃门保留得原汁原味，搭配复古嘅骑楼，大家路过都忍唔住睇多看两眼；翻修时特意保留的满洲窗，彩色玻璃拼出华丽图案，入夜后灯光透窗而出，光影斑驳，画面特别浪漫。华安楼内虽有电梯，但充满上个世纪80年代风情嘅楼梯先係重头戏！水泥原色的阶梯、刷到腰线的纯色油漆、带着岁月痕迹的木制扶手，每层都配上复古嘅灯饰，转角随手一拍都是大片。生机勃勃的天井花园、刻着厂牌的空心砖、印着“华安”字样的窗框……每一处幸存的历史印记，都在静静述说这里曾经的热闹与风光。佢好似一个装满电力秘闻的宝藏箱，藏在繁华闹市中，等待你来“开箱”！

　　

　　沉浸体验“触电”

　　

　　电力展示馆内最过瘾嘅，係有好多沉浸式嘅互动体验装置。4D立体声影院，为观众播放电力受灾后抢险修复嘅纪录片，雷电交加嘅画面，配以打风、喷水、闪电等真实体感，瞬间带你穿越到抢险一线，感受当时嘅形势险峻。“好奇电学堂”好受小朋友欢迎，因为喺呢度可以感受“触电”嘅快乐：电流通过身体时酥麻感、脚踩人力发电机点亮“广州塔”的成就感、声波带电的奇妙现象、用手掌“传电”的神奇操作，让“电”呢个抽象概念变得超级接地气。馆内仲放置了旧时发电装置嘅模型，游客可以穿上工装cos成电工，走入模拟嘅发电锅炉场景，体验当年工人嘅高温工作环境，了解一度电嘅来之不易，更珍惜依家嘅美好生活。