新起点！ 解锁广东文博“藏宝图”

　　新一年，“马”力全开

　　马年就嚟到，大湾区吃喝玩乐地图要更新啦！可乐君化身湾区文娱小管家，为大家plan好新潮玩法：广东嘅博物馆咁多，有羊城派APP博物馆频道做你嘅“掌中宝”，一键玩转超方便；远古文明空降广州，含 “金”量拉满，沉浸式体验超赞；去体育博物馆学运动健儿嘅拼搏精神，充满活力迎新年；百年船台焕新、百里路线蜕变，解锁新地标、新玩法。大家一齐开足马力去威！

　　

　　策划：骆苹、曾敏妍

　　统筹：曾敏妍

　　执行：郭玮、黄译萱、秦丽莹、汤唯闻

　　

　　新一年，文博探索之旅即刻出发！羊城派APP嘅博物馆频道全新上线，即刻为你集齐最全博物馆地图、第一手文博资讯，仲有品类丰富嘅精选文创！各位文博迷嚟到广东，唔使再心大心细去边度玩，大湾区文娱生活“小管家”可乐君，马上带你玩转广东文博新版图！

　　　　

　　

　　贴身“领航员”

　　

　　博物馆频道有个超劲嘅“场馆地图”，标注咗广东省21个地市嘅414家博物馆，想揾心水博物馆或者小众主题嘅博物馆，都So easy！“场馆地图”分为珠三角、粤东、粤西、粤北四大区域：珠三角地区嘅博物馆数量超多，大部分係小而美嘅；粤东地区嘅充满潮汕文化味道，汕头有潮剧艺术博物馆，梅州有广东中国客家博物馆；粤西地区嘅展现海洋与特色文化，例如阳江嘅广东海上丝绸之路博物馆；粤北地区嘅保存生态与历史遗产，例如河源市博物馆中嘅恐龙文博园，就相当值得睇睇。嚟到广州，“地图”上有73间博物馆任你拣。想了解广州历史？绝对要去广州博物馆、南越王博物馆、农讲所；想了解岭南非遗文化和民间工艺，就去粤剧艺术博物馆、广东民间工艺博物馆、广州市十三行博物馆。“地图”仲贴心提供精准定位和博物馆介绍，一键导航到你想去嘅场馆，未来仲会有AI贴身导游，帮你规划线路同book好门票。

　　

　　

　　私人“情报官”

　　

　　想喺博物馆频道挖宝嘅朋友，一定要锁定“点击进馆”板块！呢度会帮你盵实广东重磅场馆嘅特展、特色活动等资讯，包你唔会走宝。近期最爆嘅科威特王室珍藏展、古埃及文物与数字艺术体验展、文徵明家族书画作品展等展览，喺博物馆频道都可以第一时间获取最新资讯，仲可以顺手预约埋门票。羊城派作为岭南文化第一端，当然要带大家读懂广东文化，近期频道中邀请咗广州艺术博物院、广东民间工艺博物馆、岭南画派纪念馆等博物馆馆长、专家，带大家云游博物馆，了解文物展品嘅前世今生。“岭南大讲堂”“羊城寻宝记”等文博专题，既有名家开讲解读文博大展，又会瓹窿瓹罅探寻文化故事，大大满足文博迷嘅好奇心。所以，羊城派博物馆频道唔单止係资讯平台，更係文博知识库，无论系想“浅度游”玩定係深度学习，都可以满足到你嘅需求。

　　

　　严选“精品集”

　　

　　如果你想买啲博物馆文创做手信，咁就要Click入“精美文创”区，即刻跳转到“票巴网”。呢度物色咗好多有岭南特色嘅文创精品，让大家安坐家中就可以扫货啦！首批上架嘅五十几款精品，都係来自国家一级博物馆，件件都有来头。广东民间工艺博物馆（陈家祠）嘅文创，最为抢眼，将岭南建筑艺术嘅明珠变成潮物：全运会上嘅顶流鳌鱼变身小挂件，陪你成为独占鳌头嘅冧巴温，学习、工作样样叻；屋顶嘅“福禄寿”图案“飞“上手腕、心口，赋予福运连连、招财进宝嘅美好寓意；复刻灰塑、石雕、砖雕工艺嘅积木，让大家都能亲手体验工匠们嘅匠心独运；文物展品更被设计成手机壳、单肩包、帽子等日常用品，巧妙将岭南工艺融入生活，随时随地展现独特文化品味。