自己喐手，心想事成！

　　

　　过新年梗係要为屋企添啲年味！贴挥春、摆年橘呢啲贺年常规操作玩到厌？不如试下自己喐手整年货，边做边集气积福。成品唔单止有心意，仲带住自己嘅温度，寓意住新一年心想事成。“顶流”拼豆、零难度扭扭棒，甚至食完嘅砂糖桔皮，都可以令屋企年味升呢！　　

　　

　　

　　

　　日进“豆”金

　　

　　拼豆颜色多、玩法灵活，只要有耐心，就可以整出千变万化嘅小玩意。用拼豆拼出专属心愿，衬返啲年味十足嘅配色，独一无二嘅新春挂饰即刻到手！如果多花啲心思整成立体造型，寓意步步高升、福气double，谂起都开心到飞起。（鸣谢：角力工作室）

　　

　　

　　1、 按图纸拼豆，摆出第一层嘅图案；用同样方法喺主图旁边拼出第二层图案。

　　2、 加热烫压。记得铺一层隔热纸，防止温度太高烫融豆粒，保留豆窿先够有质感。

　　3、用手工胶水将两层图案黏实，垫上平面重物按压一阵，令佢哋贴合会更稳阵。

　　4、穿入锁匙扣、手机链条等小配件，专属“心想事成”挂件就大功告成！

　　

　　应“柚”尽“柚”

　　

　　广东人过年最讲究意头，碌柚叶係公认嘅“好运象征”，驱散唔顺心，招来好福气。但新鲜碌柚叶难保鲜、体积又大，唔方便随身携带，碌柚叶小挂件size就啱晒，满足大家随时随地“柚”运行嘅愿望！扭扭棒颜色多、易造型，绝对係整碌柚叶挂件嘅最佳材料。

　　

　　1、扭扭棒折出一个“小尾巴”，再预留5cm做叶梗，剩低嘅部分对折两次做“叶面”。

　　2、 将“小尾巴”扭入“叶面”中间，捏成尖头圆身嘅叶子形状，向内拗出少少弧度，睇落更逼真。

　　3、 用牙签将各个零部件固定，想更结实的话，可以用热胶枪喺接口处挤胶加固。

　　4、喺招财猫底部放入小灯源，灯光透过桔皮透出来，果皮纹路透光后特别似琉璃灯。

　　

　　“桔”星高照

　　新年期间，大家都会食唔少年橘、砂糖桔，就係图个大吉大利嘅好意头。食完嘅桔皮自带清香，千祈唔好丢，大有用处！食桔仔嘅时候，花啲小心思整一整，就可以拥有一盏桔皮招财猫小夜灯。新春夜晚透出暖暖灯光，温馨又旺财！

　　

　　1、拣两只大小唔同嘅砂糖桔，小嘅削去一端果皮、掏空果肉做猫仔头；大嘅削去两端果皮、掏空果肉做猫仔身。

　　2、用削落嚟嘅果皮剪出耳仔、手臂、颈圈等小零件，再用油性笔喺猫头上画返得意嘅表情。

　　3、将6片叶子，从后至前以3、2、1片数量叠放，将“叶梗”扭实固定；调整叶片位置，令佢更有层次感。

　

　4、绑上红绳，搭配匙扣、皮绳，秒变成车挂、随身配饰。