搵个“世外桃源”欢聚

　　新春假期，最适合约上三五好友，搵个好地方放飞一下！位于广州最北端嘅从化吕田镇莲麻村，正是绝佳之选。近年佢积极改造文旅设施，依家已升级为广州郊区热门自驾游胜地，除咗自然风光宜人，更有历史博物馆、酒坊、民宿等值得打卡嘅好去处，堪称广州最北嘅世外桃源。

　　

　　

　　寻红色印记

　　

　　莲麻村嘅放飞之旅，可从黄山坑革命旧址纪念馆启程。馆内展陈咗东江纵队从化大队为中华民族解放事业浴血奋战嘅光辉历程，一幅幅催人泪下嘅图文，诉说那段艰苦而光荣嘅奋斗史；橱窗里嘅珍贵历史遗物虽已斑驳残破，但每一处都镌刻住战士们无畏牺牲嘅决心。馆内特别设置咗场景还原雕像，静静凝望佢哋，耳边伴着现场朗诵嘅革命故事，当年嘅峥嵘岁月仿佛跃然眼前。英雄们为国家、民族艰苦奋斗嘅精神，永远激励着后人，铭记历史、珍爱和平，亦是新一代青年必须坚守嘅信念。从一段庄重热血嘅历史开启旅程，更令人精神抖擞、充满活力。

　　

　　叹悠闲自在

　　

　　莲麻村自然风光秀丽，四周群山连绵，空气清新，气温比市区偏低。呢度以酒酿出圈，每隔几户人家就有酒坊飘出诱人酒香。大部分酒坊欢迎客人游览打卡，大酒缸、饮酒用嘅竹椅、劝酒旗布、古法酿酒壁画，处处透着古朴韵味。斟一小杯坐喺院子里小酌，初春嘅寒气瞬间驱散，晒住阳光成身暖笠笠。唔好酒嘅朋友，亦可以拣一间带花园嘅民宿hea下——小木亭里歇脚倾计，人工小湖有天鹅戏水，精心布置嘅小庭院格外出片。花香鸟叫令人身心舒缓，偶尔路过嘅家犬小猫，更添几分惬意，心情随之明朗。

　　

　　享天然美味

　　

　　嚟到莲麻村，一定要试下农家乐。从化偏北，昼夜温差大，经霜打过嘅蔬菜格外爽脆鲜甜；自家晒嘅菜干煲汤，无油又鲜香；客家酿豆腐将豆香同肉香完美融合，微微煎香嘅表面正係灵魂所在；鲜笋炒肉片里，素菜比肉更抢镜，爽脆无渣嘅笋片令人越食越上瘾，比起肉嘅满足感，那份清脆质感更令人返寻味；走地鸡用最简单嘅清蒸做法，就足够滋味，嚼劲十足嘅鸡肉让人回味无穷……肉足饭饱后到周边散散步，喺小农棚、艺术墙前打个卡，城市嘅烦嚣尽数抛诸脑后，彻底放飞自我。